Маңғыстау облысының әкімі Нұрлан Ноғаев Бейнеу ауданында тұрғындармен кездесіп, шалғайдағы ауыл халқының мәселесін тыңдады. Сыңғырлау, Ақжігіт және Тәжен ауылдарын аралаған өңір басшысы әлеуметтік нысандардың жұмысымен де танысты. Одан бөлек аймақ басшысы аудандағы үш ауысымды мектеп мәселесі келер жылы шешілетінін жеткізді.
500 түтіні бар Сыңғырлау ауылының тұрғындары әкіммен кездесуде ауылдағы газ құбырын жаңарту, экологиялық мәселелерді шешу, балалар алаңдарын салу, сондай-ақ ауылға кіреберіс жолды жарықтандыру мәселелерін көтерді. Ал Ақжігіт ауылындағы кездесуде ауыз су, спорт кешенінің қажеттілігі мен дәрігерлердің тапшылығы мәселесі талқыланды. Тұрыш ауылының халқы да облыс әкімінен өзекті мәселелердің шешімін сұрады.
ЖЕТПІС СӘДІҒҰЛОВ, Бейнеу ауылының тұрғыны:
- Ортақ сұрақ қойдық ауылдың атынан. Мына Бейнеуден бері келгеннен кейін Сыңғырлау, Сам, Тұрыш елдімекенінің үстінен жүретін жол жөнінде. Сосын ауылға тартылған су жөнінде және мал шаруашылығына берілетін субсидия жөнінде.
Бұдан бөлек, өңір басшысы «Тәжен» кеден бекетіне барып, жүріп жатқан құрылыс жұмысының барысымен танысты. Қазақстан-Өзбекстан шекарасында орналасқан, көпжақты жүк тасымалдауға арналған, жолаушылар мен автомобиль қатынасын қамтамасыз ететін ірі халықаралық пункт жаңартылғаннан кейін кеден бекетінің жұмыс қарқыны екі есеге артады. Ауыз су мәселесі де шешімін таппақ.
НҰРЛАН НОҒАЕВ, Маңғыстау облысының әкімі:
- Бұрынғыдай 1-2 сағат су алып немесе құдығына су алып қоймайды. Тәулігіне 24 сағат су алатын мүмкіндікке келеді. Яғни бұл бағытта су мәселесі шешілетін бағытта жұмыс жасалып жатыр. Жан жетсе келесі жылдың ортасында біраз мәселені біз игереміз.
Сондай-ақ, Бейнеу ауданында үш ауысымды мектеп мәселесін шешу үшін екі білім нысаны салынып жатыр. Оның бірі «Жайлы мектеп» бағдарламасы аясында 300 орындық жаңа мектептің құрылысы Сам ауылында жүріп жатыр.
Ал Бейнеу ауылында 600 балаға арналған мектеп құрылысы да қарқынды. Екі мектеп те 2024 жылдың соңына дейін пайдалануға берілмек.
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал