Маңғыстау облысындағы өнер колледжінің студенттері бұрынғы балабақшаның ғимаратында дәріс алып жүр. 51 жыл бұрын салынған нысан өнер ордасының тәлім алушылары үшін өте тар дейді мұғалімдері. Тіпті кабинет жетіспегеннен студенттер қазір дәлізде емтиханға дайындалады екен. Ал, болашақ хореографтар болса аядай ғана дайындық залында жаттығады. Мұғалімдер мен студенттер өңірдегі жалғыз өнер колледжі үшін әкімдік 30 жылда қалайша бір ғимарат тұрғызып бере алмады деп ашулы.
АРАЙЛЫМ АЙТБАЙҚЫЗЫ, Студент:
- Біз 30 оқушы болып кішкентай, қуықтай кабинеттің ішінде киініп-шешінеміз. Бізге зал жетіспейді, бізде арнайы раздевалка жоқ, отыратын жер жоқ зал жетіспегендіктен.
ТЫНЫШБЕК БАЛТАБАЕВ, мұғалім:
- Өзім осы өнер колледжінің түлегімін, осында бітірдім. Сол кезде мен естуші едім «жаңадан сіздерге ғимарат салады, колледж салады, үлкен болады, ол мынандай болады» деп. Содан бері естіп келе жатырмын. Тек мен естіп келе жатырмын. Салынып жатқан ештеңе жоқ.
Ал келесі жылы бұрынғы балабақша ғимаратында отырған колледждің ашылғанына 30 жыл толады. Ол мерекені мынадай Кеңес үкіметінен қалған ескі ғимаратта қалай тойлаймыз дейді ұжымдағылар. Мұғалімдердің айтуынша, ән мен домбыра сабақтары өтетін кабинеттің қабырғасы қалың, ішке және сыртқа ашылатын екі есігі болу керек. Ал облыстық білім басқармасындағылар бұл олқылықтың орнын толтыру үшін Ақтаудың жаңа шағын ауданынан жер бөлініп тұрғанын айтты.
ЖӘНИЯ САРМУРЗИНА, Маңғыстау облыстық білім басқармасының бөлім басшысы:
- Биылғы жылы шешімін тапты. Себебі Ақтау қаласында орналасқан 44 шағын ауданнан Ақтау қаласы әкімінің қаулысымен 2 гектар жер бөлінді. 2023 жылдан бастап жобалау-іздестіру жұмыстары және жобалық-сметалық құжаттамаларын әзірлеу басталады.
Ал құрылыстың қашан басталып, қашан бітетіні әзірге беймәлім. Дегенмен, басқарма өкілдері студент санын көбейту үшін ғимаратты кең әрі үлкен етіп тұрғызамыз деп отыр.
Бізді әлеуметтік желіде оқыңыздар:
KZread - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал