Менің аты-жөнім Өмір Шыныбекұлы, қаламыздағы 41 мектеп-лицейдің тарих және құқықтану пәнінің мұғалімімін..
Республиканың белсенді педагогтарының ұйғарымымен Шымкент қаласындағы №7 сайлау округінен Мәжіліс депутаттығына кандидат боп тіркелдім.
Жақсы азамат тәрбиелеудің ең басты шарты - адал еңбек, маңдай терімен табылған нан жегізу..
Билік басындағылардан өз міндеттерін адал атқаруын талап ету, мәжбүрлеу.
Біреудің көз жасы мен наласы арқылы табылған дүние ешкімге опа бермейді.
Өзі шалқып өмір сүруі мүмкін. Бірақ көз жасы мен нала 7 ұрпағына дейін бәрібір табатынын жетелеріне жеткізу...
Мүмкіндігі отбасынан асып бара жатқан азаматтар әлеуеті мен қызметі мүмкіндік берсе ұл-қызы үшін жайлы орта қалыптастыру үшін еңбектенсін.
Себебі, отбасының ішкен-жегеніне көршісі сұқтанып отырса ол сіңе қоюы екіталай..
Әрі-беріден кейін көршінің ашқұрсақ баласы тоқ отбасының баласының күлшесін тартып алса, өзі үйін тонауы мүмкін..
"Жайлы орта" дегеніміз көрші-көлем, ағайын-туыс, ел-жұрт, ОТАН.
Әрбіріміз біз үшін өз ұрпағымыз ұялмайтындай істер жасайық!
Сондықтан әрбіріміз өз айналамызда жайлы орта қалыптастыру үшін еңбектенейік!
Және мемлекеттік қызметкерлер мен депутаттардан осыны талап етейік!
Мұның бәрін заңмен реттемесе болмайды.
Мен депутат болсам осы бағытта жұмыс істейтін боламын.
Маған дауыс беріңіздер!