明星隊主場迎戰村超聯勝出 黃日華親回應求婚關寶慧烏龍
明星足球隊 繼早前作客內地貴州「村超」賽事旗開得勝之後，呢日喺大球場主場迎戰 榕江村超聯隊， 陳百祥 譚詠麟 何嘉勁 關禮傑 徐榮 羅家英 等都分別上陣，呢日佢哋同客隊年輕球員作賽，最後再以3：1勝出，叻哥仲話今次係圓一生夢想，冇諗過73歲可以喺大球場贏波呀。
網上平台有過億人次收睇賽事，呢場亦因為對方烏龍球令氣勢大挫而有助明星隊得勝呀。佢又笑言自己加上校長同家英哥年紀，加起嚟可能已經對方11人歲數總和，所以呢場完場後自己就更加開心喇。
過往有噴火華之稱嘅 黃日華 呢日落場依然老馬有火，不過講起近日內地瘋傳佢同史前緋聞女友 關寶慧 求婚成功，有意再婚，華哥就冇脾氣仲得啖笑，仲以「真的該說了，假的不提罷」十字回應，更指係內地網媒求流量而傳出，難以阻止呢類消息，仲話唔敢同關寶慧聯絡呀。
華哥又話大家只係普通朋友，年前喪妻嘅佢大受打擊，外界亦非常關心佢嘅情況，不過華哥呢日亦提到，幕前演出幾十年之後，自己有意轉形過平淡生活，尋找當年失去嘅生活樂趣。
#明星足球隊 #榕江村超聯隊 #大球場 #陳百祥 #73歲 #黃日華 #求婚 #關寶慧 #再婚 #否認 #平靜 #生活樂趣
#TVB #娛樂新聞 #TVB娛樂新聞台
#ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0