贏咗啦！ 你估唔到情況會係噉，無鋒陣成功演出，上半場打穩守，兩次突擊，斬獲 兩球在手。下半場曼城反撲，度古硬闖不成，反而遠射得逞，扳回一球。以二比一完勝，開心啦！ 只係證明一事，般奴踢影子中鋒，非常有效。首先你唔須要佢擔心回防，做好在前控球，分波兩側從後而上，以加拿祖同福哥嘅速度，可以踢出極大威脅嘅攻勢。果然以好直接，好簡單嘅踢法，繞開中場傳控，兩次都是一個長傳打到曼城兩邊後防，一個人哋送嘅，另一個美妙傳控，巧妙撕破英超聯賽最佳防綫嘅曼城。無卡斯米路我都覺得曼聯好易失守，但今日麥湯同岩拉拔之奮不顧身，華朗尼拍馬天尼斯夠經驗，替補嘅伊雲斯夠冷靜，雲比沙加力拼都古，戴洛後上有突破威脅。這個陣容唔需要麥佳亞，反而更實際，更有效。可喜可賀的是曼奴之成熟表現，他在中場一控一傳，漸漸地他已成長了！以為佢在體能和身裁會在此類比賽中，比拼上會有啲輸蝕，但佢嘅用波同接應，同隊友有黙契，冷靜得驚人而門前把握機會，輕送皮球入網。這樣的表現，肯定前往德國的機上有他的份兒。 福哥不過不失啦。交足功課，但演出只有落力而已。仍是奧那那吸眼球多啲。如此一場比賽，才顯出他的真材實料。力挽狂瀾於不倒，唯失一個遠射，稍嫌撲救緩慢。但都可以收貨。 坦克格？我係佢嘅話就順水推舟，功成身退，留下一個美好回憶，以高姿態離開曼聯。聲譽？留給你們自己去想吧！

同意需要諗出埋安拉拔打雙防中，一定要好好保護鵝眉月頂。問題係係咪要般奴打右翼麥湯打假九再留返個中場位比Mainoo。 科頓咁嘅狀態，比著費sir真係會搵朴智星全場跟住佢，但坦夏唔多咁樣做針對性部署，仲要加拿祖勤力但唔多識協防，驚驚

全中🎉❤

cls