Биылғы жыл басындағы саяси науқанның бір ерекшелігі Мәжіліс пен мәслихат депутаттары бір күнде сайланғалы отыр. Демек, қазір өңір-өңірде Мәжілістен болсын, мәслихаттан болсын бір орын иеленуге ниетті азаматтар құжаттарын қамдап, мақсат-міндетін айқындап жатыр. Әсіресе, бір мандаттық округтер арқылы додаға түсетіндер арасындағы тартыс күшейе түспек. Себебі облыс, аудан халқы өз елінің азаматын толық таниды. Сәйкесінше, сенім арта ма, жоқ па ол жағын әбден ойланып барып шешеді. Әрі депутаттар да мандатынан айырылып қалмас үшін өкілетті мерзімін абыроймен атқарып шығуға мүдделі болады.
Демек, алдағы саяси науқанның басты ерекшелігі - аралас сайлау жүйесі бойынша өтетіндігі болып отыр. Сондай-ақ, бұған дейін Мәжілісте 107 депутат болса, енді Қазақстан халқы ассамблясына тиесі 9 мандат жойылады. Сәйкесінше, партиялық тізім бойынша 69, бір мандатты округтан 29 депутат сайлана алады. Яғни, 70 пайызы пропорцианалды, 30 пайызы мажоритарлық негізде. Ал облыс және республикалық маңызы бар қалалардың мәслихаттары 50\50 қағидаты бойынша құрылады. Аудан және облыстық маңызы бар қалалардағы мәслихат депутаттары 100 пайыз бір мандатты округтер арқылы сайланады. Әрі саяси партияларды тіркеу де айтарлықтай жеңілдетіліп отыр. Мәселен, енді партия мүшелерінің санына қарай төменгі шегі 20 мыңнан 5 мыңға дейін азайтылды.
Бізді әлеуметтік желіде оқыңыздар:
KZread - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал