Зұлқарнай Сейітов - биология ғылымдарының докторы, профессор, Қазақстанның еңбек сіңірген ғылым қайраткері, қымызтанушы. 50 жылдан астам бойы саумалды, қымыз бен қымыранды зерттеп келе жатқан ағамыз биыл 100 жасқа толды! "BB Partners" ЖШС өндіретін капсуладағы саумалдың ғылыми негіздемесі ғалым ағамыздың зерттеу еңбектеріне сүйеніп жасалған. Негізгі ғылыми еңбектері мал биохимиясына арналған. Сейітов сиыр мен бие, түйе сүтіндегі белок, амин қышқылы, май қышқылы, витаминдер құрамы мен оның технологиялық қасиетін химиялық тұрғыдан зерттеді. Бие мен түйе сүтін, саумал, қымыз бен шұбатты молекулалық деңгейде кептірудің жаңа әдісін тауып, одан алынған құрғақ ұнтақтан табиғи саумал мен шұбат, қымыз өндірудің жаңа биотехнологиясын ұсынды. Саумал, қымыз бен шұбатты (олардың бастапқы кездегі құрамын өзгертпей) ұзақ мерзімге сақтаудың жаңа әдісін енгізген ғалым ретінде елімізге ғана емес, әлемге танымал ғалым.