هام جدا
الاشتراك في قناتنا الاحتياطية علي الفيس بوك من خلال الرابط دة
/ asrartv.live
وشكرا لدعمك لنا
السعودية تهدد الامارات و قطر بمشروع عملاق.. سر العام 2025 طيران الرياض
النهاردة بقا هحكيلكم عن مجال جديد السعودية وتحديدا العاصمة الرياض .. داخلة فيه في منافسة مع دبي والدوحة وأبو ظبي .. وحاطة مليارات الدولارات على الترابيزة عشان المصلحة دي .. وهي شركات الطيران ..
الأسئلة المطروحة هي هل السعودية محتاجة شركة طيران جديدة رغم إن عندها شركة الخطوط الجوية السعودية .. وهل الشركة الجديدة دي هتقدر تنافس أساطيل زي طيران الإمارات التابع لإمارة دبي وطيران الاتحاد التابع لأبو ظبي وطيران الدوحة واللي بيصنف أفضل شركة طيران في العالم .. وإيه تأثير المنافسة دي على شركات الطيران والمصالح الاقتصادية في الخليج وإيه هو هدف السعودية الحقيقي من المشروعات التنموية العملاقة جدا والنمو السريع ده
دي الأسئلة اللي هنجاوب عليها النهاردة لحضراتكم لكن في البداية متنساش الاشتراك في قناتنا على اليوتيوب و الفيس بوك علشان تتابع معانا كل جديد.
رابط الاشتراك في القناة في صندوق الوصف و في أول كومنت مثبت في الفيس بوك و اليوتيوب.. يلا بينا نبدأ حلقتنا
الخطوط الإماراتية والقطرية والاتحاد.. ثلاثي الخليج الكبير
قبل ما نبدأ حكاية طيران الرياض الجديد .. خليني في الأول اشرحلك سوق الطيران في الخليج عامل ازاي .. واللي انطلق في 25 أكتوبر سنة 1985 .. ودي لحظة ميلاد واحدة من أكبر شركات الطيران التجاري في العالم .. لأن في اليوم ده أقلعت الطيارة إيرباص إيه 300 من مطار دبي لمطار باكستان .. عشان تعلن عن نجاح أول رحلة لجوية للخطوط الجوية الإماراتية .. واللي هتغير مفهوم الطيران التجاري للأبد
واللي حصل إن الشيخ محمد بن راشد آل مكتوم حاكم دبي ورئيس وزراء الإمارات وقتها .. اتفق مع ماوريس فلاناغانا المدير الإداري لاتحاد النقل الوطني في دبي .. على تأسيس شركة طيران تقدر في المستقبل تخدم خطط دبي في التحول لمركز تجاري وسياحي عالمي .. والكلام هنا عن الخطوط الجوية الإماراتية واللي طبعا كلنا عارفينها .. ولكن خليني أقولك إن بداية الشركة دي .. كانت مستحيل تخدم خطط دبي .. خاصة وإن راس مال الشركة وقتها كان بسيط جدا وهو 10 مليون دولار .. وماكنتش بتملك أي طيارات .. عشان كانت بتعتمد في الأول على تأجير الطيارات من الخطوط الجوية الباكستانية .. والاكتفاء برسم شعار طيران الإمارات على الطيارات
دلوقتي طيران الإمارات واحدة من أكبر شركات الطيران في العالم .. وبتسير رحلات لـ 158 وجهة في 85 دولة وبتمتلك أسطول بيتكون من 270 طيارة .. وهي تالت أفضل شركة طيران في العالم في 2022 وفقا لتصنيف سكاي تراس لأفضل شركات الطيران في العالم.. واللي طيران الامارات والخطوط الجوية القطرية على طول ضمن الـ 5 الأوائل فيه
ده كان بالنسبة للإمارات .. أما بالنسبة لقطر .. فالدوحة أطلقت الخطوط الجوية القطرية بعد طيران الإمارات التابع لدبي بـ 8 سنين .. وبدأت وقتها المسيرة بطيارتين و75 موظف ولكنها حاليا بتمتلك 263 طيارة وبتطلق رحلات لأكتر من 150 وجهة عالمية .. وهي أفضل شركة طيران في العالم وفقا لتصنيف سكاي تراس لسنة 2022
نجاح دبي والدوحة .. شجع أبوظبي إنها تطلق شركة الطيران الخاصة بيها .. وتدخل المنافسة باللاعب بتاعها بشركة طيران الاتحاد .. وقدرت تحقق نجاح مايقلش عن طيران الإمارات والخطوط الجوية القطرية .. للدرجة إن الـ 3 شركات معروفين عالميا باسم "ثلاثي الخليج الكبير" .. وده لأنهم قدروا يتفوقوا على شركات عالمية وإقليمية كتير جدا .. دخلت السوق قبلهم .. زي مصر للطيران اللي اتأسست سنة 1932 والخطوط الجوية السعودية اللي اتأسست سنة سنة 1945 .. وطيران الخليج البحرينة اللي أتأسست سنة 1950
***طيران الرياض.. مشروع السعودية الجديد
ده بالنسبة لشكل السوق في الخليج ومن المنطقة العربية والشرق الأوسط .. السعودية عايزة تعمل إيه بقا
في مارس 2023 أعلن ولي العهد السعودي الأمير محمد بن سلمان عن تدشين مرحلة جديدة من النمو والتوسع والتنافسية في خدمات النقل الجوي في المملكة العربية السعودية .. وأعلن عن تأسيس شركة طيران الرياض .. واعتبارها ناقل وطني سعودي جديد هدفه المساهمة في تطوير قطاع النقل الجوي وتعزيز موقع السعودية الاستراتيجي اللي بيربط بين أفريقيا وآسيا وأوروبا
ومن المقرر إن شركة طيران الرياض تبدأ تطلق أولى رحلاتها من السعودية بداية من عام 2025
كمان البيان السعودي .. وضح ساعتها إن هدف شركة طيران الرياض هو إطلاق الرحلات لأكتر من 100 وجهة حول العالم بحلول 2030 .. وتقديم مستويات استثنائية من الخدمات المتكاملة .. وهيكون مقر الشركة الجديدة في الرياض وده طبعا باين من الأسم
وبتتوقع السعودية إن شركة طيران الرياض تساهم في نمو الناتج المحلي الإجمالي غير النفطي في السعودية بقيمة تصل لـ 75 مليار ريال .. ما يعادل 20 مليار دولار .. وإنها هتوفر كمان أكتر من 200 ألف فرصة عمل مباشرة وغير مباشر
#ولي_العهد_السعودي
#بايدن
#السعودية
#السيسي #الجيش_المصري #اخبار_مصر#أمريكا #السعودية #الإمارات #قطر #روسيا #روسيا_اوكرانيا #الكويت #البحرين #الرئيس_السيسي #سامري #اخر_الاخبار #الجزيرة #العربية #سكاي_نيوز_عربية #اخبار_عربية #اخبار_العالم #اخبار_اليوم #المملكة_العربية_السعودية #الخليج #سوريا #فلسطين #إثيوبيا #سد_النهضة #مصر #الاقتصاد #المغرب #الجزائر #العراق #الأردن #تركيا #القاهرة #الرياض #أبوظبي #أخبار #الصين #الرياض #لبنان #ليبيا