جميع حقوق النشر محفوظه للقناه
لإضافة الشاعر / محمد الصواغ .. مباشره اضغط على الروابط
سناب تشات
‏ / mohamedalsawagh
انستقرام /
‏ / mohamedalsawagh
تويتر /
‏ / mohamedalsawagh
فيس بوك /
‏ / mohamedalsawagh
--------------
ماقلت أحبك لغيرك وانت تدريبي
انت اول انسان صارحته وحبيته
من اسود الراس لين يهزني شيبي
ما انسى غرام مصافيني وصافيته
اقول احبك .. بلا شك ولا ريبي
ماني مجامل على اللي فيك حسيته
احساس حبك بوسط القلب يسريبي
واحس حبك لباقي الجسم ضخيته
يا اجمل اماني العمر واغلا مطاليبي
تحققتلي بعد ( ودي و ياليته )
كنت اتمناك ياسيد الرعابيبي
والحمد لله وصلني اللي تمنيته
يا اصدق شعور طلع باجمل تراحيبي
من قلب عاشق دخلته واستحليته
تقول احبك قبل قلبك يهليبي
واقول احبك وانا شفقن وحييته
تاخذني لفرحتي من جو تعذيبي
والوقت وياك ما والله تباطيته
حافظك حفظ مثل حفظي لمواجيبي
حفظ بدوي ٍ نخاه المبتلي فبيته
اعاهدك عهد باللي يعلم الغيبي
لايمكن انسى غلاك ولا تناسيته
خذني على كيف ماودك تسويبي
وداعتك قلبي اللي معك خليته
اصدق قصيد ٍ كتبته في مكاتيبي
لاهز قلبك ودمع العين هليته
ماودي تنزل دموعك بس تدريبي
( انت اول انسان صارحته و حبيته )
.
.
#محمد_الصواغ
#المحامي_محمد_الصواغ