Лондонда өтіп жатқан мәдениет апталығында Ұлыбританиядағы Қазақ орталығының өкілдері де қатысты. Олар “Тал бесіктен жер бесікке дейін” атты қойылым қойып, шетелдіктерді салт-дәстүрлерімізбен таныстырды.
Лондоннан бесік табу қиын. Дүкенде сатылмайды. Елден алдыруға уақыт тығыз. Сондықтан жергілікті қазақтар оны қолда бар дүниелерден жасапты. Бұл күні бесікке салу дәстүрінен бөлек тұсау кесу рәсімі де өткізілді. Әр қуанышты сәт сайын шашу шашылды.
Шетелдіктер үшін бәрі таңсық, бәрі қызық. Асық атып ойнап жатқан балалар, ұлттық нақышта киінген қазақ жастары оларды сүйсінтпей қоймады. Жүргізуші барлығын ағылшын тілінде түсіндіріп отырды. Жаңа түскен келіннің беташар жоралғысы жиналғандардың ерекше қызығушылығын туғызды.
Кимешектер мен жаулықтар, ұлттық нақышта жасалған әшекей бұйымдар, үстел төсеніштері мен таза былғарыдан тігілген сөмкелер арнайы ұйымдастырылған жәрмеңкеде сатылды.
Telegram Qaz - t.me/QazAqparat_kz
Telegram Rus - t.me/kazinform_news
Instagram - / @kazinform_kz
Instagram - / @kazinform
Facebook - / @Kazinform
Facebook - / @Казинформ
Jibek Joly online: jjtv.kz/kk/live
Cайт - kaz.inform.kz/
#kazinform #қазақпарат #Жаңалықтар #shorts