أنا مغادر من أوهامي بلا سابق وعد وانذار
ويمكن للقــاء موعــد.. ف يـومٍ ما بتلقيــــني
شريط الذاكــــره متعب يا ليته ما بقى تذكار
يذكرني بأسى الماضي وحاضر فيه خنتيني
من أول يوم شفتك فيه أقول تبسّمت الاقدار
أثاري الحـــظ يرسم لي .. طريقٍ ما يوديني
تبعتك لين رز الباب ..ولا أدري وش اللي صار
وشفت أعذارك وكذبك.. من الاخر صدمتيني
ذبحتيني وأنا وقلبــي من النســمه عليك نغار
ذبحتـــيني ولا تدري بقدري يوم بعتـــيني
حسافه من عرفتيني وأنا أحبك بكل أصـــرار
وانتي ما عرفتي لي ولا ادري من تظنـــيــني
كتبــتك مثل ما تكتــب دبــي بكوكبة اعــــمار
عشقتك كثر ما أعشـــق دمــاي وكل ما فيني
بكيتك طفل مات ابوه وامه بحادث الاقــــدار
ذكرتك كل ما دمــعـي من أحلامي يوعيــني
حبيبك مقلة عيونك .. عــــدوك سيفـــك البتار
شجونك حزنك الدافي وصفحه قبل تطويني
كتبتيني على صفحة ذهب لكن ما به عيــــار
وكتبتك مثل ما اكتب قصيـــدي لي يعزينــي
النايف الكعبي
لحن وغناء الفنان صلاح الجنيبي