Айтыс ақындары мен жыршы-термешелердің Халықаралық одағы мен Sana Холдингтың ұйымдастыруымен «Дара дарын» жобасының аясында 2023 жылдың 16-18 қараша күндері Астана қаласында Қазақстан Республикасының Тәуелсіздік күні мен төл Теңгеміздің 30 жылдығына орай «Өлеңге құмар өрендер» атты аймақтық оқушылар айтысы өтті.
Айтыстың мақсаты - өлеңге, өнерге бейімі бар жас дарын ақындарды қолдау. Қазақтың қара домбырасын серік еткен оқушылардың талабын ұштау, дарынын дамыту. Аталған сөз сайысына Павлодар, Солтүстік Қазақстан, Қарағанды, Қостанай, Шығыс Қазақстан, Абай, Ақмола облыстары мен Астана қаласының оқушы ақындары қатысты.
Айтыстың ерекшелігі - жас ақындар айтыс аламанына қатысып, жүлдегер болып қана қоймай, белгілі ақын, ғалым Серікзат Дүйсенғазиннің, «Алтын домбыра - 2022» иегері Еркебұлан Қайназаровтың, Дәстүрлі әнші, Қазақстан Республикасының Мәдениет қайраткері Ерболат Шалдыбековтың, Театр және кино актеры, Мемлекеттік «Дарын» жастар сыйлығының лауреаты Әділ Ахметовтың арнайы шеберлік сабағына қатысып, өнер жолына мол тәжірибе алып қайтты.
#ҚазақӨнері #ДараДарын #Айтыс #ЖасАқындар