1997-1998 urteetan Euskal Telebistak Lazkao Txiki bertsolariari buruzko marrazki bizidunak ekoitzi zituen. Hurrengo bideoan telesailaren hasierako eta amairako abestiak agertzen dira kanta berean elkartuta.
-------
Hainbat herritan ume txiki bat
hurbiltzen zitzaizunean
Bere neurrian jartzen zenekin
era maitakor xumean
Txiki izenez, txiki gorputzez
handia maitasunean
Ta handiago bilakatuko
zara etorkizunean
Zure txikitasunean
Nahiz ta barruan tristura gorde
aurpegia irrifartsu
Herririk herri ibili zinan
gehienean umoretsu
Goibel zeudenak alaitutzeko
bazenduen hainbat mezu
Txiste kontatzen paregabea
ta bertsotan berriz maisu
Txiki handia zinan zu