Ò bèl Mossur - Laurent Cavalié
Extrach de l'album « A la frontièra dels gigants » (Sirventés/L'Autre Distribution)
→ Disponible sus totas las platafòrmas :
bfan.link/a-la-frontiera-dels...
Paraulas e musicas : Laurent Cavalié
Dessenh : Laurent Bonneau
Captacion : Marie Demunter
Presa de son e mescla : Guilhem Verger / Studio les 4 vents
Mastering : Nicolas Baillard / La Fraiseraie Electrique
Produccion : Sirventés
Distribucion : L'Autre Distribution
Paraulas
Ò bèl mossur que nos esclairas de tas messorguièras paraulas,
nos autrejas pas que la nèit. Tos mots son la man que nos ten
lo cap dins ta sorna malaiga, mentre que lo jorn, lo te sèrvas.
Zo ! Lèva-te de mon solelh ! Que lusís per cadun, caduna.
Nos demòra pas que la luna. E ton ventràs que nos ombreja,
lo nos caldrà crebar per véser se podèm far rajar la lutz
qu’as engolida ambe la jòia, qu’as engolida ambe l’espèr.
Mas dins ton ombra ò bèl mossur vesi cent caras de sornura
amb d’èlhs de gorg que te regardan, atalentats, plens de colèra.
Vesi de mans, votzes en bosca, votzes e mans per se trenar,
de mans de biais, de mans de paures, un cant que grelha e s’enaura,
d’esquinas garrudas tibadas per desrasigar las cresencias
qu’avèm pel lum de farfantèla, que nos empacha de te véser
coma siás : prèst a la casuda.
Siás condemnat, causa segura.
Sèm dins la man. Sèm dins la votz.
Sèm la man, lo ruscle, la ràbia.
Sèm nosautris desir que buta.
Sèm a l’espèra del solelh.
Parlas de progrès ! Enganaire ! Parlas de nacions ! Galejaire !
Ò bèl mossur a! Pren-te garda
que la cançon que trebolava
e dins los punhs e dins los pitres,
ne raje escupida de l’ombra,
e passe sens que te n’avises del negre sorn al roge viu.
Adaptacion liura de « ò senher bèu » d’Enric Espieux