للاستماع على جميع المنصات
JafraanBinHadbaan.lnk.to/5UJz...
__________________
الحسابات الرسمية لـ قناة ابو يعقوب
‏ Whatsapp :
api.whatsapp.com/send?phone=9...
____________________
________________
اهداء للشيخ
طرجم بن سلامه بن سعيدان
كلمات
محمد الاجبع
اداء
جفران بن هضبان
___
قرّب اللي كن نوره برق صيفٍ في ظلامي
يربك اللي جالسٍ له فوق ساعه يستخيله
اشتغاله بالبريك وضغطة اصبعك البهامي
‏فوق زر استارت حسب اللي مترجم في دليله
لانهمته كن عزمه طلقةٍ من كف رامي
من سحر بلجيك فرخٍ ما تعباء بالفتيله
خابر اني في نظام السير رجالٍ نظامي
بس لامن شاش راسي بالفخر مافيه حيله
مايجيب افكاري اللي بيتها بيتٍ عصامي
غير ممشى الجور فوق الجيب وخطوطٍ طويله
ضيق وقتي ياقصيدي جاب لك قل اهتمامي
اعتذر والعذر واضح وانت لي راعي جميله
القصيد اللي جزيله لو يجي في كل عامي
خير من هزلٍ يغنا كل يوم وكل ليله
الذهب لولا الغلا ماكان بيعه بالجرامي
والرخيص ارخيص حتى لو وزنه ما تشيله
ياقصيدي لا بغيتك فالمواقف والمقامي
فيك بابٍ للقبول وفيك بابٍ للجزيله
كان ماغنيت فاللي كنه قدره من عمامي
يقصر الفنجال الاشقر من يميني لاتشيله
جنب طرجم بن سلامه تصغر اكبار الاسامي
شيخنا اللي فالمواقف كل صعبه تستوي له
الرجال اجبال وانته مثل ظلع اطويق زامي
من بغاء الملجاء لجاله بعد ربٍ يلتجيله
تو ضيفك في مضوفك حيل و طوال السنامي
والكثيره تعتبرها في نظر عينك قليله
فيك من حكم القضاه وفيك من دعوى المحامي
فيك من حد السيوف وفيك من خير المخيله
صطوتك تقسم صفوفٍ مايجي فيها انقسامي
هيبتك هيبة سلاح وقفتك وقفة قبيله
من بنانك يوم تششر تلجم ألسنت الكلامي
ومن بهامك لا رفعته كن مابه مستحيله
مد كفك وبل وسمٍ هل من دهم الغمامي
يجعل المحتاج فقره للغنى يخلي سبيله
فالمواقف مانشوفك غير في الصف الامامي
كم بشتك يحسم الميقاف والكايد يشيله
كيف مافخر بالفعول وبالقصيد بالكلامي
وانت من ترثة شيوخٍ فالجهل دون القبيله
ال عاطف كلبوهم دون تحديد الاسامي
يشكرون ابناء سلامه فالخفيفه والثقيله
كان ماغنيت فاللي كنه قدره من عمامي
يقصر الفنجال الاشقر من يميني لاتشيله alfan.link/abo_y3gob