لا والله الا قضى صبري على الفاضي
لاوالله الا قضا صبري على الفاضي
مليت وانا ارسم الصوره واعدلها
واتعبني الحاضر اللي كنه الماضي
وتالي رسوم المحبه تشبه اولها
يا سبة امراضي وسبة شفا امراضي
يا عالج الروح والا لا تطوّلها
الصبر ما عاد له لازم ولا حاضي
ورسالتك واصلتني قبل ترسلها
لا تحسب اني على طول المدى راضي
صابر ومقهور فالقصه بكاملها
نور الوعايد على طول المدى ياضي
وتطفي شموع الملاقى قبل نشعلها
تشفي بقلب الجويع بجمرك اللاضي
وتشوي له اللقمه ويصبر .. وتاكلها
الصبر زلزالي اللي شتت انقاضي
ونهايةٍ للبدايه قبل لا اصلها
تخيّــل الصبر لو يقضي .. وهو قاضي
واطباعك وجملة احكامك .. تخيّلها
مادامك المتهم والخصم والقاضي
هاك القضيه وفسّرها وحللّها
Пікірлер: 2
أنشههههههد ✋🏻 الله يسعدگ .. درر ✋🏻
اشهد انها ابيااات