有對策解決兩個女人的問題
30歲林作早前終於公開另一半，宣布跟31歲失婚裕美已經拍拖一年多。不過，裕美因與前度十優港姐麥明詩反差太大而招來話柄，更遭林母開聲反對。
林母公開表示裕美唔夠高質，不准入門：「如果裕美生B，更會斷絕母子關係。」
至於跟林作愛得難捨難離的裕美，雖面對林母斬釘截鐵式拒絕，但依然釋出善意，希望給曾經報導過出軌、家暴、失婚等新聞的娛樂圈女人一個解釋機會，待雙方了解過後，才決定是否繼續判她死刑。不過裕美又留弦外之音，表明不會因他人說話而刻意改變自己。
經過一輪來回搓波，作為關鍵人物的林作，是時候再發聲。
他說：「阿媽當咗裕美係希特拉或金正恩，唔使見面都知道咩來頭，所以呢個情況下，我覺得佢哋無必要接觸，雖然我覺得如果有機會畀我，見識希特拉同金正恩係咩嘢人，我會同對方握手食飯。」
早前轉投保險，短短三個月做出六十萬業績，林作認為在於能一針見血解決問題，直抵客人問題核心。故，要解決兩個身邊女人的問題，他早有策略，相信用同樣方法可解決。
「點樣令阿媽改變主意好簡單，裕美要重塑自己公眾形象，幹一番事業，做好自己。當妳好能幹，如果成為保險公司top agent，年薪過千萬，你估吓我阿媽會覺得佢係金正恩，定係當金咁樣拜？」林作說，別以為他對阿媽不滿，實情是他認為林母這種「膚淺」，簡單直接得來可以令人訂出人生高目標：「無問題喎！我好buy阿媽，好愛佢，呢方面大家搞清楚，我從來唔會貶低阿媽，其實係讚到佢上天，因為好多價值觀係阿媽教。佢話讀大學唔去牛津點算？去英國讀中學，唔去哈羅點得？佢就係咁簡單。所以自小已經話畀我聽，目標、眼界要以最高作標準。只係物質主義嘅人，會覺得膚淺。但有幾多香港人，唔係以呢個標準去衡量其他人。」
代裕美宣布：佢年底會賺到200萬
原來，裕美正在積極配合，默默搞大project，林作認為現在並非適當時候跟大家分享，所以未能公佈。不過就代她發言：「有一齣電影叫《Devil Wears Prada》，戲中主角就係我阿媽，裕美就係實習生，要impact，就要達到佢目標。所以我要喺度畀一個鼓勵裕美，請你宣布，你喺年底會賺到幾多錢。」裕美隨即接口：「二百萬。」
林作十分有信心：「大家做見証，如果十二月三十一日裕美就攞本銀行存摺出嚟，打簿畀你哋睇，無二百萬，我代裕美宣佈，從此喺香港消失。」
年尾揭盅「能幹指數」，不過兩人親密關係，未因林母的「不准入門」」、「生b斷母子關係」而影響。
緃使裕美有她的想法，卻至今未有付諸行動：「其實我想主動聯絡佢，不過都擔心自己情緒唔係太好，因為其實好怕聽到其他人當面拒絕我。如果我去搵佢，而佢落閘，我會好難過。」問林作會否過一招「一針見血」給裕美，令她與林母有偈傾，他表示：「教到
嘅話，佢會考就唔會零分。」不過裕美並不同意：「林作，我冇蠢到咁，我讀書唔叻，唔係表達能力有問題。」
林母半山三層豪宅總值1億
靜候裕美幹一番事業的同時，原來她已悄悄「入門」，進駐林母總值超過一億半山豪宅物業，林作住的是巿值約4000萬的單位，而林母則住在同一幢大廈，價值7000萬的的複式單位。
「佢經常喺我屋企，我哋間屋有三層，阿媽住兩層，比較威。」至於兩個女人有否碰過面，他編了一個未發生的故事：「每次入電梯，如果見到面就會打交，由頭打到尾，每次打完出嚟全身瘀血，我就問看更攞閉路電視儲起，希望將來可以用較高價錢賣畀報館播出嚟。」
同居下一步是否結婚，林作坦言未有此想法：「我其實唔係將婚姻睇得好重，作為一位前大律師，專責婚姻案，喺法律上，結婚係一件幾無聊嘅事，真正好嘅愛情，係無可能透過現時社會一個法律體現。」
裕美隨即叫他謹慎：「你咁樣講又唔好，好似唆擺其他人唔需要結婚，結婚係無用嘅。」
林作表示：「法律還法律，今時今日想離婚其實好簡單，大家知唔知道，四年之內離婚係唔需要分家產。」
裕美反問：「但你賣保險都知道，如果客人死咗，繼承人都好重要，如果無關係咁點樣繼承？」
林作教女友：「可以喺保單上寫明受益人係對方，咪唔需要娶佢囉。」
由保險伸延婚姻，一個要結，一個不要結。
裕美依然有憧憬：「我簡直同佢相反，我嘅夢想係婚姻。」
相士預言28歲遇真命天女
林作説兩年前，有相士指他會在那年遇見真命天子，對方是混血兒，而林母不會同意這段關係，他的命格也不會如一般人，結識、拍拖、求婚然後結婚生仔，雖然他不大相信命理，但也同意自己向來不受傳統束縛。他認為就算兩人在婚姻未能取得共識，也無需特別磨合：「船到橋頭自然直，尤得順其發展。所謂人算不如天算，兩個人維持好關係，先係真正重要。」
全文：s.nextmag.hk/e/Hd7nbLAwz8
-----------------------------
💬壹週刊直播平台 ChannelNEXT💬
s.nextmag.hk/e/KrpoG7E761
-----------------------------
🌟講真心話 撐住我香港！🌟
每日$1 訂壹仔！: s.nextmag.hk/e/NXeKVODrVZ
相關影片:
【的士急色男女】 男女車廂纏綿全城睇晒 業界轟放片者累死同行 20200712 (壹週刊) kzread.info/dash/bejne/o3eot5eFk5Odg8o.html
【百萬豪裝公屋】寧花巨款裝修都唔買樓 月入10萬夫婦：供樓會好辛苦｜2020-06-18 (壹週刊) (kzread.info/dash/bejne/jGunrMexaNq_eLA.html)
【的士急色男女】 男女車廂纏綿全城睇晒 業界轟放片者累死同行 20200712 (壹週刊) kzread.info/dash/bejne/o3eot5eFk5Odg8o.html
【問問日本人】點樣分辨中國人VS香港人中國旅客經常大聲說話？ （果籽）(kzread.info/dash/bejne/f5WBsNeRZ5ecZKw.html)
【白化病】全身白色途人見到即彈開 白化三兄弟：變相唔使排隊都幾好 (果籽) (kzread.info/dash/bejne/l46ar5Owl9CeZNo.html)
【灣仔燒味老字號】17歲做大廚 自立門戶35年 油雞酒味濃 老闆：好做嘅食物唔會好食(飲食男女) (kzread.info/dash/bejne/pap1qJqpe9bgp5M.html)
【筲箕灣東大街】魚蛋河名店對決！名廚食評人實試 王林記魚蛋有水準 安利切腩似湯渣(飲食男女) (kzread.info/dash/bejne/qI2eqdqKpMXNqLg.html)
【借貸逾10億】葉玉卿以愛共闖「面子關」承認老公申請破產 (蘋果日報 ) (kzread.info/dash/bejne/ZXugx5WOn5O9qqw.html)
#壹週刊 #StayHome #WithMe #跟我一樣 #宅在家