تنفيذ |
مجاهدالهجله
0554120866
______________________
بعد ماهبت على صدري ذعاذيع البرادي
واستوى جو القصيد وجات الابيات القويه
استعدي ياهجوسٍ ماتفكر في عنادي
ناوي اقلع بك سماء من فوق حد الجاذبيه
شاعرٍ في ساحة الشعار ماهو بنقيادي
واسم الساحه بشعره مثل وسمه فالمطيه
مبدعٍ يبدع ليا منه بدع ماهو بعادي
ولا نقض ينقض بيوت الفتل ويحل القضيه
ان مدح خلاك يالممدوح من فوق الشدادي
وان هجاء ماتفرق السادات عن باقي الرعيه
والشعر نحفظ مقامه مثل مانحّفظ المبادي
مانسوقه غير في عالي مقام ومقدريه
والله اني ماتوخر بعد ناداني المنادي
ولا يقال ان خالد الهجله توخر عن خويه
احتزم بي يانشاء في صبح ولا في هجادي
وابشر بعزك عسى ايامك على الدنيا مديه
حفلكم عامر بترحيبك وعود ازرق وكادي
في زواج اخوانك الليله تراها عالميه
محزمك ودروع جنبك لابدا ل الشر بادي
عزمهم مثل الجبال فكل شان وكل هيه
ياعماد الله يبارك لك عدد حضر وبوادي
وانت يامازن عسى مبروك وايام هنيه
ياذخر عودٍ عطاه يهز وضع الاقتصادي
من كرم يمناه نسانا الكفوف الحاتميه
يامبارك حفلكم لاشك ذكرنا العيادي
من كثر ماشوف ذبحك قلت ذا يوم الضحيه
لا غرابه يابني مشيب هل الرأي السدادي
الكرم فطره بكم من عادها بقعا صبيه
الشيابين ان لمس خشم الفتيله فالزنادي
عوزةٍ تارد على الموت الحمر والنار حيه
لاثنو دون الطفاح ولاثنو دون السنادي
يحتمون البل بحد السيف ولا البندقيه
من عتيبه عزوةٍ تقلط على جمع المعادي
يومها بالحرب والثارات في نجد العذيه
والختام الله يديم الامن ويعز البلادي
والسلام ورحمة الله وبركاته والتحيه
لايك للفيديو + إشترك معنا
subscribe + Like
فعل الجرس 🛎
ليصلك كل جديد✔
..
للتواصل والاستفسارات :
الحسابات الرسمية لـ قناة مجاهدالهجله
‏Official Whatsapp :
api.whatsapp.com/0554120866...
‏Official Twitter :
/ xxz90z