في المسجد في شخص كبير بالعمر بعيط عالولاد وبعصب عالامام اذا تاخر ومو عاجبو العجب بتحسو جاية يقاتل الناس مو يصلي .... طيب ليش تصدر هذه التصرفات في الغالب عن بعض كبار السن.. ولا تصدر عن مسنين اخرين.
عالم النفس السويسري كارل يونج بقلك انو كل انسان في الو جانب معتم اسمه الظل يحتوي على الصفات يلي منحاول نكبتها وننكرها في انفسنا مثل العصبية .. العنصرية .. وكثير صفات سيئة .. هذا الظل يستيقظ كلما تقدم الانسان لذلك بتسمع تصرفات يقوم بها اشخاص غير متوقعة منهم مع تقدمهم بالعمر..
طيب ليش يبدا يفقد الشخص السيطرة على جانبه المظلم وتبدا تظهر تصرفات كان غير ظاهرة عنده .. لانه بمل من الاقنعة والتجمل ويتراجع خوفه على صورته الاجتماعية .. لذلك كل ما كبرت بالعمر يصبح اهتمامك بصورتك الاجتماعية اقل فبتصير تتصرف عراحتك اكثر فبتبدا تظهر عندك سلوكيات كنت تقدر تخبيها في السابق خوفا على مكانتك وصورتك الاجتماعية بس هلق صار صعب عليك تخفيها .. وكل واحد فينا قد يصل الى يوم يصبح مزعج لمن حوله بسبب سلوك لم يعد قادر على اخفائه.