#homemade #food #faitmaison #explore #tunisianfood #اكسبلور #cooking #قديد #كسكسي #instagram #youtubevideos #tunisian #sfax
مرحبا بيكم في قناتي
اليوم وصفتنا كسكسي بالقديد او كسكسي راس العام او كسكسي بالخضر زادة برشا تسميات و أكيد كل واحد يطيبو بطريقة معينة
اليوم باش نقترح عليكم طريقة حماتي في إعداد كسكسي القديد
المكونات
قديد
مرڤاز
3 م ك فول يابس منفخ او فول أخضر
نصف م ك عدس
نصف م ك فول مصري
4 م ك حمص
ربطة بصل اخضر او راس بصل كبير مفروم
ربطة سلق او سبناخ
ربطة تابل او كزبر
أوراق بصل اخضر
زيت حسب الرغبة او زيت قديد
ملح و فلفل اسود
2م ك طماطم معجونة
2 م ك فلفل احمر
م ص هريسة
نصف م ص كركم
فلفل اخضر
بيض مسلوق
300غ كسكسي
نقلي البصل المفروم مع القديد و شوية ملح باش القديد ميخرجشي ملحو مع كركم و نزيد الفول و الحمص و العدس و الفول المصري و كل مرة نزيد شوية ماء لين يطيبو وقتها نزيد الخضرة المغسولة و المقطعة و نفوح طماطم
فلفل احمر و هريسة عربي و نزيد شوية ماء سخون و نخليه يغلي لين الخضرة طيب
نبلو الكسكسي بشوية ماء و ملح و نخليه يرتاح و بعد نفوروه فوق المرق من نص ساعة ل45 دقيقة
كنت شرحتلكم بالتفصيل الطريقة في وصفة الكسكسي بالحوت و كسكسي البسباس: بعد ميفوّر الكسكسي و يطيب المرق نسقي الكسكسي: تاخو شوية مالزيت الي فالمرق و نبثبث بيه الكسكسي و بعد نصفي المرق فالكيكات و نسّقي الكسكسي. نخلطو مليح و نخليه يرتاح درج و بعد نعاود نحرك و نذوق الملح و نزد المرق كان ناقص
نزين الكسكسي كيما نحب
أنا قليت فلفل اخضر و قمطت كعبات عظم
وصفة كسكسي الحوت
• مرقة صفاقسية🐟مع الشرح ...
وصفة كسكسي البسباس
• فرفوشة او كسكسي بالبسب...
شاهية طيبة