Xabaringiz bor, o'tgan 2023-yilning sentabr oyida Guliston tumani hokimi O'lmasjon Mamadaminov Koreyalik investor bilan uchrashuv o'tkazgan edi va uchrashuv davomida tuman hududida investor tomonidan Koreya texnologiyasi asosida uzum, yong‘oq, qulupnay hamda boshqa turdagi qishloq xo‘jaligi mahsulotlari yetishtirilib, mahsulotlar to‘liq chet davlatlariga eksport qilinishi rejalashtirilgandi.
Xususan, "HANJIN TURON AGRO" MCHJ Mustaqillik mahallasi hududidan "E-auksion" platformasi orqali 15,5 gektar ekin yer maydonini yutib olib, hozirda yerning unumdorligini oshirish uchun har xil turdagi o'g'itlardan foydalanib, bo'sh yer maydonga Koreya yong‘og‘i, uzum va olmasi ekilmoqda.