«Кітап Time» жалпы республикалық фестивалі аясында Шымкент қалалық жасөспірімдер кітапханасында ашық есік күні өтті.
Оқырмандар үшін «Балалықтан даналыққа»; «Кітап - білім бұлағы» атты кітап көрме-жәрмеңкесі ұйымдастырылып, №7 IT мектебінің оқушылары мен «жеңіл өнеркәсіп және сервис» колледжінің студенттеріне ақпараттық шолу жасалды.
Оқырмандар үшін жергілікті қаламгер Фарида Жасұзақова және журналист Әділхан Абайұлымен әдеби-шығармашылық кездесу өтті.
Кешті ақын Сүндет Сейітов жүргізіп отырды. Кездесуде өлеңдер оқылып, кітапхана құндылықтары жайлы парасатты ойлар айтылды.
Журналист Ә.Абайұлы әдебиетке құмар жастардың қатары көбейе берсін деген тілектерін жеткізіп, рухани мұраларды қадірлеуге шақырды.