خويه درب عمري ماخذاني دونها النسيان
وانا يا اهل الملامه ما رغبت العيش وحداني
ابي لي مهره ماعسفت صغيره وبنت حصان
ابوها اللي يفك المشكله ويزبن الجاني
واخوها لا تعزوى باسمها فزوا لها العربان
يحق لها الفخر في قوله آل فلان جداني
ابيها في بحر عشرين لا زود ولا نقصان
ابيها اقصر طويله والوصوف اشكال والواني
وابيها ناعسات ونرجسيه سود الاعياني
ابي رمش كما ريش يغطي الثلج فالاوجان
وابي جفن يشيل الرمش طربان وكسلاني
ابي خد كما ورد تنّمى في طرف بستان
وابي خشم صغير ومثل حد السيف شاماني
ابي البسمه كما البرق وثناياها كما المرجان
شفاها جمرتين وفمها خاتم سليماني
ابي شعر مثل ذيل الفرس لا طبّت الميدان
او الشلال لامن بات ليله بين الامتاني
ابي جيد سوات ابريق فضه ناتق مليان
وصدر كنه مرايه عليها طلع رماني
وخصر مثل مجدول الاعلان وجسم روياني
ابيها نابيه ردف وبطن ظامر جوعان
ابيها مدمج ساق وقدمها لسان ثعباني
ابيها بنت عز من رغدها ينعم الفستان
ابي الرقه وابي الدقه لها باطرافها شاني
ابي المشيه كما اللي طالع من المعركه كسبان
وابيها ترش مع خطواتها مسك وريحاني
ابي صوت الى مني سمعته كن فيه الحان
يدغدغ مسمعي ويثير كل السحر فاشجاني
ابيها حب واخلاص وهواجيس وفرح واحزان
ابيها مثل ما دكتور اهالي العشق وصاني
ابيها لوحه ما صورتها ريشه الفنان
ابيها جوهره ما جابها قاصي ولا داني
ابيها تنتصر لي من زمان حطني نيشان
وتبشر بالغلا اللي مالفى به واحد ثاني
مهرها قلب وشعر يهز القلب والوجدان
والبسها القصيد وتصبح اوزاني وقيفاني
ابي اللي فات واللي فات صعب ومن لقى العنوان
يرد العلم ولا افضل ابقى اعيش وحداني
اشترك فى القناة الرسمية الخاصة بي || Subscribe to my official channel 👇👇
bit.ly/3SpE4Qj
لمشاهدة احدث البثوث المباشرة من خلال الرابط 👇👇
• خالد عبد الرحمن | بث...
--------------------------------------------------------------------------------
مرحباً بكم في قناة اليوتيوب الرسمية لـ الفنان خالد عبد الرحمن، وشكراً لكم على المشاهدة.
Welcome to Khalid Abdulrahman Official KZread channel and thank you for watching!
#مخاوي_الليل #خالد_عبدالرحمن#العروس