Ул моннан 23 ел элек дистә еллар буе эшкәртелмәгән басу, кырларны, ташландык хәлдә яткан ферма, амбарларны алып элеккеге колхоз базасында фермер хуҗалыгы оештырып җибәрә. Баштагы елларда гектарыннан 18-20 центнер уңыш биргән кырлардан алар бүген 48-53 центнер иген җыеп алалар. Сүзебез Ульяновск өлкәсеннән Камил Идиятуллов җитәкчелек итә торган “Хлебороб” хуҗалыгы турында бара. Безнең бу төбәктәге үз хәбәрчебез Рамис Сафин әлеге тынгысыз хуҗалыкта булып бер авыл мисалында эшне оештыру һәм югары уңыш алуның серләре белән танышып кайтты.