"Кәсібі бардың - нәсібі бар" деп тегін айтылмаса керек. Ауданымызда шағын және орта бизнесті дамытуға бағытталған мемлекеттік бағдарламалар арқылы қолдауға ие болған кәсіп иелерінің қатары күннен-күнге артып келе жатыр.
Өз кәсібін ашып, табысын арттырып отырғандар қатарында Бекарыстанов Манас та бар. Темірден түйін түйіп, тұрмысқа қажетті бұйымдармен аудан халқын қамтамасыз етіп отырған Манас алдындағы мақсаттарының үлкен екенін айтады.
Қазіргі таңда тұрғындардан сұраныс жетерлік. Тек ерінбей еңбек ете білсең болғаны. Тапсырыс арқылы жасалатын бұйымдарды сапалы әрі мерзіміне дайындап беру кәсіпкердің ең басты қағидасы.
Манастың бұл талабына сәттілік тілейміз. Кәсібі өрлеп, табысы арта берсін!