Алматы облысындағы Қайназар ауылының тұрғындары елдімекен ішіндегі бір емес бірнеше кірпіш зауыттарын жаба алмай әлек. Өткен жылы сот кәсіпорындарды сүру туралы шешім шығарыпты. Бірақ, сот орындаушылары іске кіріспек түгіл осы уақытқа дейін ешқандай шара қолдана алмай отыр дейді халық. Ал, заңды түрде жеңілсе де, жазаға тартылмаған зауыт әлі күнге дейін өз жұмысын жасап келеді деп көпшілік наразы.
БАУЫРЖАН ЖАҚСЫМБЕТ, тілші:
- Әділдікті соттан іздеп барған Қайназар ауылының тұрғындары, оң шешімнен кейін қайда барарын білмей дал. Себебі, ауыл ішіндегі санитарлық талаптарға сай емес деген екі кірпіш зауытымен соттасыпты. Былтыр тамыз айында оның бірін тұтастай сүру туралы, ал қарашада екінші зауыттың кептіргіш бөлігін сүру туралы сот шешім шығарған. Әу баста жеңіске жеттік деген көпшілік бірнеше ай өтсе де зауыттың мұрты қисаймай жұмыс істеп тұрғанына наразы. Ал, үкімді іске асыратын мамандар әлі күнге дейін үндемей отыр дейді.
НҰРЖАН ҚАЛИЕВ, Қайназар ауылының тұрғыны:
- Сот орындаушыларға хаттар жолдадық, Алматы облысы Әділет департаментіне хаттар жолдадық, тіпті прокуратураға хаттар жолдадық бәрінде отписка болды. Тіпті екінші кірпіш зауытына келетін болсақ, ол 25 августе сот шешімімен заң күшіне еніп кеткен. Бір жыл болды ғой былай айтқан кезде.
Сот шешімі күшіне енгенше бір зауыттың кептіргіш бөлігінің жұмысы тоқтап тұруы тиіс болған. Бірақ, көпшілік ешқандай өзгерістің байқамағанын айтады. Бәрі бәз баяғыша жұмыс істеп тұр деп отыр. Он жеті жылдан бері сары топырақтың шаңын жұтып, малымыздың жайылымынан айырылдық деген тұрғындар, кірпіш зауытының кесірінен денсаулықтарынан да айырыла бастағандарын жеткізді.
БЕРІК ДУАНБЕКОВ, Қайназар ауылының тұрғыны:
- Ауылда ауру болып ауырған адам өте көп. Мына ауылдың тең жартысынан көбі аллергия. Рак, опухоль, раковый болезндер көп.
Тұрғындар ауыл маңайында 4 кірпіш зауыты бар. Олардың бәрі жұмысқа кіріскенде, шаңнан демалу мүмкін емес дейді. Заң шеңберінде жеңіске жетіп, барлығын дәлелдесек те, жауапты мамандардың не себепті әрекетсіз отырғандарын түсінбейміз дейді көпшілік. Ал кірпіш зауытының заңгері бәрі заң шеңберінде, ешқандай жұмыстар жүргізіліп жатқан жоқ дейді.
НҰРЖАН МАҚСАТОВ, кірпіш зауытының заңгері:
- Бізде бірінші ауданаралық экономикалық сотының шешімі шыққан болатын. Сол шешім қанағаттандырылды акиматпен. Бірақ біз қазіргі таңда аппелияциялық шағым бердік. Бірінші шешім бойынша жоғарғы сотқа шағым жаздық. Сондықтан әлі заңды күшіне енген жоқ. Заңсыз іс-әрекет жасап жатқан жоқпыз қазіргі таңда.
Бес мыңнан астам тұрғыны бар Қайназар ауылының жұрты енді биліктегілер тікелей араласса дейді. Себебі, бір жылға жуықтаған соттың шешімі әлі күнге дейін орындалар түрі жоқ деп қапалы. Қолымызда барлық дәлеліміз бар деген ауыл халқы соңына дейін барамыз деп бекінііп отыр.
Бізді әлеуметтік желіде оқыңыздар:
KZread - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал