Тәшриқ тәкбірі құрбан айт уақытында айтылады. Арапа күні таң намазы уақытынан басталып, айттың төртінші күні екінті намазында аяқталады.
Тәкбір тәшриқ әрбір парыз намазының соңында бір мәрте: «Аллаһу әкбар, Аллаһу әкбар, лә илаһа иллаллаһу уаллаһу әкбар, Аллаһу әкбар уа лиллаһил хамд» деп айтылады. Егер бірден асырып айтам десе өз еркінде, бірақ намаздан кейін дереу айтылуы керек. Намаздың аяқталуы мен ташриқ тәкбірінің арасын еш нәрсе бөлмегені дұрыс. Мысалы, мешіттен шығу, сөйлесу, әдейілеп дәретті бұзу секілді.