Елімізді 90 пайыз күрішпен қамтитын Қызылорда облысында дәл осы дәнді-дақылдың бағасы қымбаттап кеткен. Егінге орақ салу науқаны басталғалы күріштің келісіне кемі 100-150 теңге қосылды дейді базардағы саудагерлер. Айтуларынша қымбатшылықтың кесірінен қазір тұрғындар да әлеуметтік маңызы бар азық-түлікті аз сатып алатын болған. Ал күріш өсіру қауымдастығының өкілдері өнім бағасының алдағы уақытта қалай өзгеретінін болжау мүмкін емес деп отыр.
Күріштің отаны саналатын Қызылорданың өзінде өнім бағасы былтырғы жылмен салыстырғанда 20-30 пайызға қымбаттаған. Мәселен өткен жылы ең қымбат күріштің бір келісі 400 теңгеден саудаланса, биыл ең арзаны 500 теңгеден тұр. Бұл тек базардағы баға. Ал сауда үйлерінде тіпті қымбат. Егін жинайтын мезгілде күріш құнының неге бірден шарықтап кеткенін сатушылар да түсінбей отыр.
КҮЛШАЙ ЖАРЫЛҚАПОВА, сатушы:
- Ең қымбатын 400-ден сатқанмын. Биыл ең арзаны 500 болып тұр ғой. Биыл қалай орақ басталды, осылай болып келіп тұр ғой баға. Енді ғой біздің сатып жатқанымыз.
Ал күріш өңдеу қауымдастығының өкілдері керісінше күзде өнімнің өзіндік құнын төмендететіндерін айтады. Өйткені шаруалар жиналған дақылды тез арада сатуға тырысады. Оның үстіне қазір елімізге өзге мемлекеттерден де күріш келіп жатқандықтан, бағаны 20 пайызға дейін арзандатуға мәжбүрміз деп отыр. Алайда өндірушіден базар сөрелеріне жеткенше арадағы делдалдар күрішті қымбаттатып жібереді дейді.
САҒИДУЛЛА СЫЗДЫҚОВ, күріш өңдеу және өндіру қауымдастығының өкілі:
- Базардағы баға өндіруші зауыттарға қатысы жоқ. Ол базарға жеткенше екі адамнан өтеді. Үлкен оптовик бір алады, одан екінші оптовикке кетеді. Соңынан базарға жетеді. Өндіруші базардағы адамға күрішті мынадай етіп сат деп біз айта алмаймыз.
Ал сауда министрлігінің өкілдері нарықтағы бағаның қалай құбылғанынан хабарсыз екен. Айтуларынша арыз-шағым болмаса, базар аралап бағаны бақылау міндеттеріне кірмейді.
ЕРҚАСЫМ СҮЛЕЙМЕНОВ, Қызылорда облысы бойынша сауда және тұтынушылар құқығын қорғау департаментінің басшысы:
- Заңға байланысты бізде профилактикалық бақылау бар, сосын тұтынушылардың арызына байланысты неғыламыз біз. Мысал бір жерде өсіп бара жатқан бағаны сұрауға да правамыз жоқ. Біреуден арыз түссе, сосын барып қана тексереміз.
Қауымдастық өкілдері су тапшылығына қарамастан биыл егін бітік шықты деп отыр. Яғни Қызылорданың күрішімен елімізді толық қамтып, тіпті экспорттауға да мүмкіндік бар. Бірақ жиі құбылатын жанармай бағасына байланысты өнімнің алдағы уақытта қанша теңгеге дейін қымбаттайтынын болжай алмаймыз дейді мамандар.
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал