Енді Түркістандағы Әзірет Сұлтан мемлекеттік тарихи-мәдени қорық-музейі аумағында пилотсыз ұшу аппараттарын пайдалануға мүлде болмайды. Индустрия және инфрақұрылымдық даму министрлігінің бұйрығына сәйкес, Қожа Ахмет Яссауи кесенесі мен оның айналасында дрон құрылғысымен фото және видео түсіруге тыйым салынды. Жауаптылардың айтуынша, мұндай шешім халық көп шоғырланатын аумақ қауіпсіздігі мен тарихи ескерткіштерді қорғау мақсатында бекітілген. Ал пилотсыз аппараттарды ұшырып, түсірілім жасау үшін Ұлттық қауіпсіздік органдары мен Мемлекеттік күзет қызметінен арнайы рұқсат алу керек. Оған 5 күн бұрын өтініш беру қажет. Талапқа бағынбай, өз бетінше түсірілім жүргізгендер заңға сай жазаланады. Айта кету керек, "Әзірет Сұлтан" мемлекеттік тарихи-мәдени қорық-музейінің қорғауына 88 гектардан астам аумақ кіреді. Мұнда Қожа Ахмет Яссауи, Рәбия Сұлтан Бегім кесенелері мен сегіз қырлы сағана, жерасты қылуеті, жұма мешіті, Күлтөбе қалашығы және хан ордасы мен хан мешіті сияқты тарихи нысандар бар..
.
.
.
Бізді әлеуметтік желіде оқыңыздар:
KZread - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#информбюро #басты_жаңалықтар #Ақиқатын_Айтайық