Neftçalanın Qızqayıtlı kəndi rayon mərkəzindən 30 kilometr aralıda yerləşir. Deyilənə görə, bir neçə əsr bundan öncə Şamaxının Çuxurdyurd kəndindən olan Qızqayıt ana övladları, qohum-əqrabaları ilə mal-qaranın qışlaması üçün bu əraziyə gəlib. Elə o vaxtdan da burda yurd salıblar. Təsərrüfat işlərinə himayədarlıq, el-obaya ağbirçəklik edən də elə Qızqyıt ana olub.
O, dünyasını dəyişdikdən sonra kənd onun adıyla hallanıb. Qızqayıtlı kəndi.
Qızqayıtlı kəndində ötən əsrin 40-cı illərinə kimi xeyli sayda əhali yaşayıb. Lakin illər ötdükcə kənddən köç axını başlayıb.
Kənddə qalan, bu yurdun ocağını yandıran təkcə Süleyman Süleymanov olub. O, da 2016-cı ildə dünyasını dəyişib. Hazırda Süleyman kişinin 6 övladından biri bu kənddə yaşayır.