Көксу мен Қаратал өзенінде су деңгейі көтерілді. Алдыңғы аптада күн күрт жылып, таудағы мұздықтар ери бастаған. Кешелі бері күн бұлттанып, арты нөсер жауынға ұласты. Салдарынан екі өзеннің арнасы әдеттегіден екі есеге толды. Дегенмен ешқандай қауіп жоқ, жағдай толық бақылауда,- дейді мамандар. Айта кетейік, Көксу арнасының су өткізу көлемі секундына 534 текше метр. Қазіргісі 330 текше метр шамасында. Сондықтан жауаптылар алаңдауға еш негіз жоқ деп сендіреді. Ал Қаратал өзенінің Талдықорғанға қарасты арнасының сыйымдылығы 300 текше метр. Қазір ағып жатқаны одан екі есе аз. Жалпы Көксу өзенінде жағалауларды нығайту жұмыстарына тиісті сала қызметкерлері мен арнайы техникалар жұмылдырылған.