Білім алушылардың рухани-адамгершілік мәдениетін, эстетикалық, патриоттық сезімдерін тәрбиелеу, елдің мәдени мұрасын сақтау, балалардың домбырада орындау өнерін насихаттау мақсатында Оқуағарту министрлігінің үйлестіруімен Республикамыздың барлық елді мекендерінің қатысуымен болған Наурыз мерекесіне арналған «КҮЙ КҮМБІРІ» республикалық домбырашылар челленджіне Балқаш қаласының Балалар өнер мектебі-ЮНЕСКО Клубының 40 жуық оқушылары мен мұғалімдері белсене қатысты. Челленджге қатысушылар Құрманғазы Сағырбайұлының «Адай», «Балбырауын», халық күйлері «Келіншек», «Тепең көк», Дәулеткерей Шығайұлының «Көроғлы», «Қос алқа», Тұранның «Ертұран», Ә.Желдібаевтың «Ерке сылқым» күйлерін орындады.
#челлендж"Күмбірле домбыра"
#күйкүмбірі