Солтүстік Қазақстан облысында 14 ауыл Қазақстан картасынан жойылды. Яғни, тұрғындары жаппай жан-жаққа көшіп кеткен соң, бұл ауылдар қаңырап бос қалған. Ал, өңір тұрғындары соңғы жылдары елдімекендерден елдің үдере көшуіне етіміз үйренді дейді. Айтуларынша, жұмыссыздық пен мектеп, дәріхана сияқты әлеуметтік ныандардың жоқтығынан халықтың көштен қалған ауылдарда тұрғысы жоқ. Бірақ жергілікті билік өкілдері шағын ауылдарды дамыту бюджетке тиімсіз деп отыр.
Осының бәрі Ирина Кочеткованың жалғыз табыс көзі. Ол өз отбасын асырау үшін ауылда мал асырап, құс өсіріп күн көретінін айтады. Өйткені халық үдере көшіп жатқан ауылда бұдан басқа жұмыс жоқ дейді.
ИРИНА КОЧЕТКОВА, Коваль ауылының тұрғыны:
- Жұмыс болмаған соң халық немен күн көреді? Оның үстіне таза ауыз су жоқ, мектеп те жабылып қалды. Осының бәрі тұрғындардың ауылдан кетуіне әсер етті. Мал ұстау қиын. Сол себепті біз де бәрін сатып кетуді ойлап жүрміз.
Бір кездері ілгері дамыған елді мекеннің бүгінгі көрінісі осы. Жол бойында терезесі бұзылып қаңыраған үйлер, тек қабырғасы қалған әлеуметтік нысандар көп. Қазір он үйге де жетпейтін ауылда дүкен, дәріхана атымен жоқ. Сол себепті тұрғындар азық-түлік пен керек-жарақ алу үшін осыдан 35 шақырым жердегі аудан орталығына қатынауға мәжбүрміз дейді. Ал Ресей шекарасынан небәрі екі шақырым жердегі ауылда тұрған бірнеше ұлттың өкілдері тарихи отандарына оралып кеткенін айтады.
ВЛАДИМИР ДЕНИСОВ, Коваль ауылының тұрғыны:
- Кезінде бұл ауылда немістер де, поляктар да, орыстар да, қазақтар да тұрған. Кеңес одағы ыдырағаннан кейін бәрі жан-жаққа кетті. Ауылда өмір сүру қиындап кетті. Мал ұстаймыз, бірақ оны бағатын жер жетпейді. Шабындық жоқ.
Мамлют ауданында осы сияқты тағы он ауыл бар екен. Жергілікті билік өкілдері оларды болашағы жоқ елді мекендерінің қатарына қосқан. Яғни, тараудың аз-ақ алдында тұрған ауылдарды дамытуға бұдан былай бюджеттен бір тиын да бөлінбейді дейді. Бірақ бұл елдімекендерді Қазақстанның картасынан алып тастау туралы шешім қабылданса да, халық сол жақта қалағанынша тұра бермек.
СЕРІК БАКЕЕВ, Мамлют ауданы әкімінің кеңесшісі:
- Заң бойынша халық саны елуден аз болса, ауылды округ орталығына қосамыз. Мына ауылдың нақты аты болмайды. Бірақ халық сол ауылда тұрады. 1-ақ отбасы қалды или 2 отбасы қалды сендердің светтеріңді сөндіреміз сендер кетіңдер деген жоқ. Соңғы адам кеткенше дейін жол да тазаланады. Нан да, су да жеткіземіз.
Солтүстіктегі 600-ден артық елдімекеннің тең жартысы ғана болашағы бар деп танылған. Тіпті, 100-ден артық ауылда халық саны 50 адамға да жетпейді екен. Ал тұрғын саны он адамға толмайтын отыз ауыл картадан жойылып қалудың алдында тұр. Үш жылда еліміздің солтүстігінде 14 ауыл таратылып кеткен.
Руслан Жасұланұлы, Жұлдызбек Ермұқанов
Бізді әлеуметтік желіде оқыңыздар:
KZread - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31