Көрнекті ғалым, геолог, өз елінің патриоты Қаныш Сәтбаевтың тарихтағы алар орны ерекше екені айқын. Алайда оның халық мұңы мен жеке басының қасіреті тоғысқан, билік тарапынан келген күмән мен сенімсіздікке қарсы қажымас күресін бірі білсе, бірі білмейді. Бірақ та қиын кезеңде күшті адамдарды дүниеге келетіні көпке мәлім. «Қаныш» фильмі қазақ халқының өміріндегі үлкен қасірет - ашаршылық, жұт, қуғын-сүргін жылдарындағы жас Қаныш Сәтбаевтың жүріп өткен жолын баяндайды.