Қансонарда
Абай Құнанбайұлы
Қансонарда бүркітші шығады аңға, Тастан түлкі табылар аңдығанға. Жақсы ат пен тату жолдас - бір ғанибат
Ыңғайлы ықшам киім аңшы адамға.
Салаң етіп жолықса қайтқан ізі,
Сағадан сымпың қағып із шалганда.
Бүркітші тау басында, қағушы ойда,
Іздің бетін түзетіп аңдағанда. Томағасын тартқанда бір қырымнан,
Қыран құс көзі көріп самғағанда. Төмен ұшсам түлкі өрлеп құтылар деп,
Қанды көз қайқаң қағып шықса аспанға.
Көре тұра қалады қашқан түлкі Құтылмасын білген соң құр қашқанға.
Аузын ашып, қоқақтап, тісін қайрап,
Ол да талас қылады шыбын жанға. Қызық көрер, көңілді болса аңшылар,
Шабар жерін қарамас жығылғанға. Қырық пышақпен қыржыңдап тұрған түлкі,
О-дағы осал жау емес қыран паңға. Сегіз найза қолыңда, көз аудармай, Батыр да аял қылмайды ертең таңға.
Қанат құйрық суылдап, ысқырады, Көктен қыран сорғалап құйылғанда. Жарқ-жұрқ етіп екеуі айқасады, Жеке батыр шыққандай қан майданға.
Біреуі - көк, біреуі - жер тағысы, Адам үшін батысып қызыл қанға. Қар - аппақ, бүркіт - қара, түлкі - қызыл,
Ұқсайды қаса сұлу шомылғанға. Қара шашын көтеріп екі шынтақ,
О да бүлк-бүлк етпей ме сипағанда, Аппақ ет, қып-қызыл бет, жап-жалаңаш,
Қара шаш қызыл жүзді жасырғанда. Күйеуі ер, қалыңдығы сұлу болып,
Және ұқсар тар тосекте жолығысқанға.
Арт жағынан жаурыны бүлкілдейді, Қыран бүктеп астына дәл басқанда. Құсы да, иесі де қоразданар,
Алпыс екі айлалы түлкі алғанда. «Үйірімен үш тоғыз», деп жымыңдап,
Жасы үлкені жанына байланғанда. Сілке киіп тымақты, насыбайды
Бір атасын көңілің жайланғанда,
Таудан жиде тергендей ала берсең
Бір жасайсың құмарың әр қанғанда.
Көкіректе жамандық еш ниет жоқ,
Аң болады кеңесін құс салғанда. Ешкімге зияны жоқ, өзім көрген,
Бір қызық ісім екен сұм жалғанда.
Көкірегі сезімді, көңілі ойлыға Бәрі де анық тұрмай ма ойлағанда?
Ұқпассың, үстірт қарап бұлғақтасаң,
Суретін көре алмассың, көп бақпасаң,
Көлеңкесі түседі көкейіңе
Әр сөзін бір ойланып, салмақтасаң, Мұны оқыса, жігіттер, аңшы оқысын,
Біле алмассың, құс салып дәм татпасаң.
#А • Абай Құнанбайұлы
Қараш... бай Құнанбайұлы Қансонарда
#Абай өлеңдері
#абай құнанбаев
#Абай өлеңдері жинағы
#Абай өлеңдері мәнерлеп оқу
#Қансонарда Абай
#Абай Қансонарда
#«қансонарда бүркітші шығады аңға»
#Жақсы ат тату жолдас
#Тастан түлкі табылар аңдығанға
#Абай Құнанбаев Қансонарда
#Абайдың Қансонарда өлеңі
Абай Құнанбайұлы өлеңдері
#Абай өлеңі
#Абай Құнанбайұлы
#Қазақша поэзия
#новости казахстана
• Қансонарда
Абай Құнан...
• Сап, сап, көңілім, сап...
• Абай Құнанбайұлы
Қараш...
• Әсемпаз болма әрнеге
А...