კანადაში გაუჩინარებული ქართველი გოგონას გახმაურებული საქმე: დღეს ,,მოამბე” უბრუნდება თემას, რომელსაც 2009 წლის შემდეგ ექსკლუზიურად აშუქებდა. ექვსი წლის წინ ტორონტოს სკოლიდან დაკარგული მარიამ მახნიაშვილის მამა საქართველოშია. ვახტანგ მახნიაშვილი, რომელიც შვილის გაუჩინარების მერე ჩადენილი დანაშაულების გამო კანადის ციხეში აღმოჩნდა, სამშობლოში 12-წლიანი ემიგრაციის შემდეგ დაბრუნდა. ჩვენს რეპორტაჟში თქვენ პირველად მოისმენთ-თუ რატომ დაჭრა დაკარგული გოგონას მამამ სამი ადამიანი. მარიამ მახნიაშვილის სახელი და გვარი ,,მოამბის” ეთერიდან საზოგადოებამ პირველად 2009 წლის სექტემბერში გაიგო-სწორედ ამ დროს დაიკარგა კანადაში მშობლებთან ჩასული 17 წლის გოგონა, რომლის სხეულის ნაწილები ორწელიწადნახევრის შემდეგ იპოვეს. ექსპერტოზის მერე მშობლებმა ცხედრის კრემაცია გადაწყვიტეს-ოჯახი ფერფლს ტორონტოში მდებარე სახლში ამ დრომდე ინახავს.