Қалалық ардагерлер кеңесінің төрағасы жаңадан сайланды. Кезекті пленум отырысында төрағаның осыған дейін атқарған жұмысы тыңдалып, ардагерлер тарапынан бірқатар ұсыныс жолданды.
Қалада 32 мыңнан астам ардагер бар. Олар түрлі сала бойынша бастауыш ардагерлер ұйымына біріккен. Десе де зейнет жасына жеткенімен тізімге тіркелмеген аға буын өкілдері жетерлік. Пленумда ардагерлер алдымен осыған дейін төрағалық қызмет атқарған Сұлтанбек Тәуіпбайұылының есебін тыңдады.
Ардагерлердің қаладағы қоғамдық көліктерде жеңілдікпен жүру мәселесі бірнеше жылдан бері көтерілгенімен нақты шешімін таппай отыр. Бұл жолы да зейнеткерлер мәселені реттеуді ұсынды. Сонымен қатар кейбір санаттар бойынша әлеуметтік көмектер алу үшін өз өтініштерін жолдады.
Жиында ардагерлер пленум мүшелерін, алқа құрамын жаңартып отыру қажеттігін жеткізді. Сұлтанбек Тәуіпбаевтің жұмысына оң бағасын берген көпшілік, жаңа қызметіне сәттілік тіледі. Облыстық ардагерлер кеңесінің төрағасы Серік Дүйсенбаев «Облыстың құрметті ардагері» төсбелгісін табыстап, иығына шапан жапты.
Пленум отырысында қалалық ардагерлер кеңесінің төрағалығына кандидат Шахизат Төребаевтың кандидатурасы бірауыздан мақұлданды. Жаңа төраға сенім білдірген замандастарына алғысын білдіріп, аға буынды бірлесе еңбек етуге шақырды.
Сайт - qyzylordatv.kz/ru/live
Facebook - / qyzylordatv
Instagram - / qyzylordatv
Telegram - t.me/qyzylords_tv
Tiktok - / qyzylorda_tv