Сүйген жар Тіршілікте не көрмеді ғазиз бас, Кейде шаттық, кейде қайға көзде жас. Шаттығыңа әркім ортақ, дос та көп, Қайғыңа ортақ, шын адал дос табылмас. Қайғы атына бірдей жаным күйетін, Ыстық жүрек, ақ көңілмен сүйетін, Адал ана, асыл жарым, ардақтым, Қағыбамдай алдыңда бас иемін. Жарым болып, жаман атақ тақпадың, Ана болдың, ана атыңды ақтадың. Айнымайтын адал досым бір өзің, Сүйген жарым сенсің менің мақтаным. Мақтанамын сенің биік жаныңа, Мақтанамын адамшылық арыңа. Отқа, суға, түссең дағы қажыма, Жүрегіңде мені сақтағаныңа. Қайғы бұлты шөксе дағы басыңа, Жасым жетпей ақ кірсе де шашыма. Жаным сенбес, жаным жас боп қайтармын, Сүйген жарым, жабырқама, жасыма. Ит боп үріп, мен ешкімді қаппадым, Қастық жасап кісіге оқ атпадым. Алтын көріп, адал жолдан таймадым, Сұғанақ боп арам астан татпадым. Мен кісінің қол созбадым бағына, Мен ешкімнің таласпадым тағына. Кең дүние жолына даңғыл боп жүріп, Кез болыппын сүрінетін шағыма. Карлаг. Теміртау лагері, 1952 жыл.

Настоящая любовь

Как красиво

Абай әлемі - әуелде Абай, Мұхтар, Қайым. Содан кейін барып өзге де Абайтанушылар деп бөліну керек.