Forbes басылымы Қазақстандағы ең ықпалды бес кәсіпкердің қатарына жатқызған Қайрат Боранбаев 8 жылға сотталды. Бұған қоса Астана қаласының Сарыарқа аудандық соты оның мүлкін тәркілеу бойынша үкім шығарды. Екі банк шотындағы 2 миллиард 847 миллион 877 мың теңге мен Алматыдағы Әл-Фараби даңғылындағы жер телімі мемлекет меншігіне өтуі тиіс. Сондай-ақ, "Құрмет", "Ерен еңбегі үшін", "Парасат" және ІІІ дәрежелі "Барыс" мемлекеттік наградалары кері қайтарылатын болды.
Бұл іс бойынша өзге екі сотталушы «АзияГазШонжы» құрылтайшыларының бірі Роман Наханов пен Qazaq Gaz компаниясы төрағасының орынбасары Тайыр Жанұзақ та 8 жылға бас бостандықтарынан айырылды. Қайрат Боранбаев пен сыбайластарына Қылмыстық Кодекстің екі бабы бойынша айып тағылған. Атап айтқанда, бөтеннің сеніп тапсырған мүлкін иемдену мен қылмыстық жолмен табылған қаржыны заңдастыру. Айыпталушылардың ешқайсысы өздеріне тағылған айыпты мойындаған жоқ. Сотта сөйлеген соңғы сөзінде Қайрат Боранбаев Qazaq Gaz компаниясына келтірген шығын көлемін толық өтегенін айтқан. Сөйтіп, сотты әділ шешім шығаруға үндеген еді. Айта кетейік, кәсіпкер былтыр 30 наурызда ұсталды.
Бізді әлеуметтік желіде оқыңыздар:
KZread - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал