Зүл-Кифл мен Әл-Ясағ пайғамбарлардың қабірлері
2014 жылы Түркияда тіл оқып жүргенімізде пайғамбарлардың басын зиярат ету үшін Түркияның оңтүстік аймақтарын аралап шыққан едік. Атап айтсақ, Шанлыурфа қаласындағы Ибраһим пайғамбардың туған және отқа лақтырылған жерін, дәл осы қаладағы Әюб пайғамбардың сабыр мақамын, Тарсус қаласындағы Даниял пайғамбардың қабірін, Диярбакр қаласындағы Зүл-Кифл мен Әл-Ясағ пайғамбарлардың қабірін, сондай-ақ осы қаладағы қаншама сахабалардың да басына барып, Құран бағыштап, араладық.
Мына видео да сол кездегі зияраттарымыздан бір тәбәрік еді. Сол сапарымызда осы пайғамбарлардың қабірін ашып, денелерінің әлі де шірімегеніне куә болған жанның шәкіртімен де сұхбаттастық. Бұл аймақтардың рухани аурасы да ерекше. Тағы да бару нәсіп болар, бұйыртса.