JW有幸與男神張智霖合唱《祝君好》 自爆係初哥哥超級fans
JW王灝兒同「初哥哥」張智霖合唱經典劇集《十月初五的月光》嘅《祝君好》，輯錄喺《經典‧傳承》TVB 55周年台慶大碟，張智霖希望聽眾再重新認識呢首歌，更加喜歡呢個版本。
張智霖分享今次合作感受：「呢首歌係好溫暖嘅一首歌，講初哥哥有一個缺憾嘅家庭、身體又有啲缺憾，唔可以講嘢，呢個故事非常豐富，知道今次同JW合作，我覺得好開心因為我覺得佢唱歌好好聽，同佢合作呢首歌加入一啲新鮮嘅血液、有一啲新鮮火花。」張智霖指唱嗰陣，佢都好樂在其中。
身在內地嘅張智霖跟JW隔空合唱，佢認為合唱歌因為技術問題好少一齊錄，笑稱跟JW心靈相通，感覺係零距離感，佢都希望之後可以同JW喺公開場合一齊唱，而JW有幸同男神張智霖合作覺得好興奮，JW自爆曾係《十月初五的月光》超級fans，佢之前有同坤哥吳業坤合唱《祝君好》，JW希望之後有機會與張智霖同台合唱。
#JW #王灝兒 #十月初五的月光 #祝君好 #初哥哥 #張智霖 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0