Assalomu alaykum aziz tengdoshlar.Katta hayot ostonasiga qadam qo’yayotgan hurmatli abituriyent,ha ha aynan siz.Kelajakda hayotingizni mustaqil barpo etishda qaysi kasb egasi bo’lish haqida ko’p o’ylayotganingiz tabiiy hol. Yaqinroq keling, ishontirib aytamanki bu yo’lda sizga JDPU Jimoniy madaniyat fakulteti yaqindan yordam beradi.Fakultetimiz haqida so’z yuritar ekanman,bizning jismoniy madaniyat fakulteti butun respublika OTM lari orasida yuqori mavqega ega hisoblanadi.Fakultetda 2 ta Jismoniy madaniyat nazariyasi hamda metodikasi va Sport turlarini o’qitish metodikasi kafedralari o’z faoliyatini olib boradi.Kafedrada jami 42 nafar professor o’qituvchilar faoliyat ko’rsatmoqda,ulardan 1 nafari professor,1nafari professor vazifani bajaruvchi,6 nafari dotsent, 3 nafari Pedagogika fanlari bo’yicha falsafa doktori ,10 nafari katta o’qituvchi,10 nafari o’qituvchi hamda 8 nafari stajor o’qituvchi hisoblanadi.Fakultetmizda 4 ta;jismoniy madaniyat,xotin-qizlar sporti,sport faoliyati kurash hamda sport faoliyati voleybol yo’nalishlari mavjud.Fakultetda professor -o’qituvchilarning ilmiy salohiyati hamda o’quv moddiy-texnik bazasi bu ta’lim yo’nalishlari talabalarini yuqori saviyada o’qitish ga barcha imkoniyatlar mavjud va bu imkoniyatlardan o’quv-tarbiyaviy jarayonlarda to’laqonli foydalanilmoqda.Jismoniy madaniyat fakultetida “Talaba teatri”nomli talabalar teatr studiyasi,”Fizvos “quvnoqlar va zukkolar jamoasi mavjud bo’lib,QVZ universitet birinchiligida 2021-yil 1-o’rin,2022-yil 3-o’rinni qo’lga kiridi.Shuningdek voleybol,basketbol,futbol,stol tennis,shaxmat-shashka,kurash,dzyudo ,sambo kabi ko’plab sport to’garaklai va klublari ,hamda “Olimpiya bilimdonlari” nomli fan to’garagi faoliyat olib boradi.
Jismoniy madaniyat fakultetining ilg’or,shijoatli, intiluvchan talabalari o’z g’alabalari bilan universitet tarixida yangi sahifa yaratmoqdalar.Fakultetimiz talabasi Nigina O’ktamova Osiyo,Jahon chempionati oltin medal sohibasi,kattalar o’rtasida O’zbekiston chempionati g’olibi ,2021-yilning eng yaxshi ayol bokschisi hamda “Shuhrat” medali sohibasi hisoblanadi.
Porloq kelajakni sog’lom turmush tarzi bilan, yuksak g’alabalar bilan yetuk bilimlar bilan bunyod etamiz. Biz bilan bir safda bo’ling, kelgusi o’quv yilida sizlarni jismoniy madaniyat fakultetida kutib qolamiz.