ИНДЕР ӘКІМДІГІ АЗЫҚ-ТҮЛІК, ДӘРІ-ДӘРМЕК ҚОРЫН ЖАСАҚТАП ЖАТЫР
Төтенше жағдай кезінде халықты азық-түлікпен және дәрі-дәрмекпен қамтамасыз ету - жергілікті биліктің басты міндетінің бірі. Осыны ескерген Индер ауданының әкімдігі еліміздің «Азаматтық қорғау туралы» заңын басшылыққа ала отырып, 31 кәсіпкермен ынтымақтастық меморандумына қол қойды. Келісім бойынша олар елдімекендерді су басып, тұрғындар эвакуациялаған жағдайда азық-түлікпен және жатын орынмен қамтамасыз етуі тиіс. Индер аудандық кәсіпкерлік, өнеркәсіп және туризм бөлімінің басшысы Айгүл Үмітқалиеваның айтуынша қазір ауданда 2 478 тонна астық, 3 716 тонна қант, 296 тонна макарон өнімі, 50 тонна күнбағыс майы, 28 тонна сүт, 25 тонна картоп қоры бар. Жалпы Индер ауданында азық-түлік сататын 111 дүкен, ал Индербор кентінде ірі 5 сауда орталығы жұмыс істеп тұр.
ТОЛЫҒЫРАҚ БЕЙНЕМАТЕРИАЛДА