Արմենը 15 տարեկանում հասցրել է ոչ միայն սեփական բիզնեսը ստեղծել, վաստակել գումար, այլև հիմնել է աշխատատեղ և դարձել գործատու: Բիզնեսից գլուխ է հանում այնքան, որ հստակ գիտի իր հաճախորդներին, նրանց սպասելիքները ու հենց դրանց հիման վրա է մշակում ռազմավարությունը: Բիզնես-պլան գրում է ոչ թե մեկ կամ երկու ամսվա համար, այլ երկարաժամկետ՝ 10 տարվա հեռանկարով: «Բիզնեսի անատոմիայի» այս թողարկմանը իր հաջողության պատմությունն է ներկայացնում մեր ամենաերիտասարդ մասնակիցը՝ Luxury accessories աքսեսուարների օնլայն խանութի հիմնադիր Արմեն Հակոբյանը: