愛‧回家眾演員齊賀母親節 ｜呂慧儀要求囝囝示愛被拒｜HK E News 娛樂新聞報道
《愛‧回家之開心速遞》一眾演員好似 樊亦敏 Amy Fan 呂慧儀 長腳蟹 蘇恩磁 湯盈盈 Angela Tong 等，呢日一齊出席宣傳活動慶祝母親節，佢哋仲同現場觀眾大玩遊戲，台上玩得開心，台下都睇得好開心，自認內嘅三太 樊亦敏 ，雖然平時唔慣成日將愛講出口，但係佢話喺母親節呢個咁偉大嘅日子，大家就應該大大聲向最愛嘅媽媽講聲「我愛你」呀。而媽媽正住喺安老院生活嘅 蘇恩磁 ，活動後都話會去探望媽媽表孝心。至於劉丹就提醒大家要將愛講出口，唔好等自己後悔。
活動上， 呂慧儀 亦有向台下嘅媽媽示愛，而除咗呂媽媽之外，阿蟹嘅囝囝蟹籽都有到場，之不過阿蟹叫阿仔上台同大家講聲母親節快樂時，慢熱嘅蟹籽竟然當眾拒絕，於是阿蟹再叫囝囝同佢示愛，囝囝更講咗一聲「No」，搞到阿蟹都有啲尷尬呀，不過，蟹籽事後接受訪問時，都有即時補鑊，親自同媽媽講咗句「I Love You」，阿蟹當堂冧晒呀。
而湯盈盈就話上個月已經約好奶奶等人，一齊飲茶慶祝母親節，但係點知家人相繼病倒，所以最後飯局人數都無奈要縮減呀。
#愛回家之開心速遞 #母親節 #玩遊戲 #三太 #樊亦敏 #蘇恩磁 #劉丹 #呂慧儀 #囝囝 #蟹籽 #湯盈盈
#TVB #無綫新聞 #News #StayHome #WithMe #跟我一樣 #宅在家