華富邨 置富花園 南區回憶錄 | 華富邨清拆前一遊 麗絲快餐店炸大雞髀 真正港式懷舊美味 再去瀑布灣公園 | 在南區長大的我數說當年置富花園和華富邨的舊事物 《香港人遊香港-華富邨 置富花園》
華富邨 置富花園 南區回憶錄 | 華富邨清拆前一遊 麗絲快餐店炸大雞髀 真正港式懷舊美味 再去瀑布灣公園 | 在南區長大的我數說當年置富花園和華富邨的舊事物 《香港人遊香港-華富邨 置富花園》
置富花園 01:59-07:09
華富邨 07:32-19:18
麗絲快餐店 12:03-15:36
我是在南區長大的,薄扶林置富花園是我的舊居所,而華富邨則是我爺爺嫲嫲以前的居所,我小時候就是經常遊走在這兩個地方,聽說華富邨將會清拆,這次就回去華富邨做懷舊一番,吃小時候的快餐店,也順道到置富花園一遊,做一個我兒時的南區回憶錄。
.
如喜歡我的影片,請訂閱我的頻道,多謝
/ @simontkitchen
.
本人的自家品牌"醉男",以製造本地手作醬料為主如欲購買產品請到網店-醉BUY生活市集:
(滿$300免費送貨)- 👉🏻 bit.ly/2WmJGQQ
.
我的Website👉🏻 simont.kitchen/
我的Facebook👉🏻 / simontkitchen
我的Instagram👉🏻 / simon_t_kitchen
我的MeWe👉🏻 mewe.com/p/sim...
.
我的中式料理影片推介:
炆乾鮑 • 炆乾鮑 | 乾鮑魚做法 | 如何浸發炆煮吉品...
紅燒元蹄 • 紅燒元蹄 | 炆元蹄做法 | 如何在家中處理...
荔芋香酥鴨 (素版) • 荔芋香酥鴨 (素版) | 荔芋做法 如何做...
雞蛋蒸肉餅 • 雞蛋蒸肉餅 |零失敗肉餅 | 阿嫲風格雞蛋加...
雙冬羊腩煲 • 雙冬羊腩煲 | 羊腩煲家庭做法 羊腩煲簡易惹...
我的西式料理影片推介:
無水白酒海鮮鍋 • 無水白酒海鮮鍋 | 無水海鮮鍋 加強版 | ...
香蒜欖油意大利麵 • 香蒜欖油意大利麵 | 蒜油意粉做法 | 煮意...
忌廉小菠菜 • 忌廉小菠菜 |忌廉菠菜做法 | Creame...
我的日式料理影片推介:
鹽烤喜知次 • 鹽烤喜知次 | キンキ | 喜知次做法 《醉...
冷蕎麥麵汁 • 冷蕎麥麵汁 | 冷蕎麥麵的配料 | 在家中吃...
焗現成一夜干 • 焗現成一夜干 | 日式居酒屋必點菜式 | 佐...
我的東南亞式料理影片推介:
泰式咖喱炒蟹 • 泰式咖喱炒蟹 | 泰式咖喱炒蟹 |咖喱炒蟹 ...
泰式炒肉碎 • 泰式炒肉碎 | กะเพราหมูสับ |...
越式蒸肉餅 • 越式蒸肉餅 | 蒸肉餅越式做法 | 蟹肉豬肉...
其他KZread煮食影片推介:
職人吹水 星洲炒米 • 〈 職人吹水〉美味的星洲炒米簡單做法 sin...
職人吹水 揚洲炒飯 • 〈 職人吹水〉 揚州炒飯 Yangzhou ...
職人吹水 海南雞飯 • 〈 職人吹水〉 皮爽肉嫩 海南雞飯 How...
.
#醉愛煮食男 #醉男
#SimonTKitchen
Пікірлер: 51
我的遊香港播放清單 👉🏻kzread.info/head/PLpQd2OFJOWqH4HASF2MaT6iP94dFkVGLd
多謝你拍呢條片🥲感謝🥹
@simontkitchen
2 ай бұрын
唔好客氣😁我自己都搵返好多回憶
很有意思的視頻old public housing estates in Hong Kong have very unique facade and eye-catching the internal courtyard just wow …Awesome architecture topic very interesting
@simontkitchen
2 ай бұрын
我都覺得香港以前嘅屋村好特別,好有特色同埋味道
我細個都係住置富花園第一座,小學六年班前,真有緣🎊🎉👏💪👍
@chisingedmondlaw7327
2 ай бұрын
細個時有冇從雅緻洋房偷入過以前嘅牛奶公司去玩牛牛同踩到牛屎?😂
@simontkitchen
2 ай бұрын
置富舊街坊你好🤣👋🏻 之前你話住過南區我都諗過你會唔會住置富。我冇試過偷入牛奶公司玩,嗰度真係有牛?好似好好玩咁😁
@chisingedmondlaw7327
2 ай бұрын
@@simontkitchen 當年我是第一批人搬入置富花園住的,當時雅緻洋房有一條小路,沿着一直行,全是牛房來的又大,我間唔中就約下鄰居朋友仔夜晚入去探險🤣,講緊大約四十年前嘅事😅
@simontkitchen
2 ай бұрын
@@chisingedmondlaw7327 嘩,原來你係第一批置富人👍🏻 聽你形容好似好刺激好好玩咁🤣
@chisingedmondlaw7327
2 ай бұрын
@@simontkitchen 細個時中秋節仲好玩。。。成個屋苑都係人出哂去,你有冇去過天台花園煲臘😵😵
Hello Simon 原來我同你都係置富花園舊鄰居兼校友 而我細個係置富花園第二座住 一直到1990年果時同屋企人移民多倫多定居 我亦都係聖公會始南小學讀書由一年班直到完成小學升中為止 至於你係片中提及果D地方 尤其美心大酒樓 我都有跟著阿嫲同屋企人日日放學後去飲茶 而我細佬最鐘意去機舖打機 唔知道我哋有無試過撞過面呢?😅😅 好多謝你今次拍片帶我重遊呢個我一直以來好掛住同回憶既地方 🥹🥹
@simontkitchen
2 ай бұрын
Cindy! Long time no see! 原來你住過置富花園又讀過始南,仲成日去美心大酒樓飲茶🤣👋🏻 真係唔知我哋細個有冇見過面呢,或者同你細佬打過機都唔定🤣
@cindylo4192
2 ай бұрын
@@simontkitchen 真係好耐無見啦 之前身體有事而且仲有好多事發生 所以心情好差 話時話真係有可能你同我細佬係機友喎 佢成日同朋友停留係機舖架🤭🤭
@simontkitchen
2 ай бұрын
@@cindylo4192 要好好休息養返好個身體,雖然唔清楚你發生咩事,但係想同你講句加油💪🏻 好多嘢捱過咗就冇事。 唔知有冇同你細佬打過 Street Fighter 2😁
@cindylo4192
2 ай бұрын
@@simontkitchen 多謝你呀Simon🙏🙏 我會好好休息同加油 希望所有事會變雨過天晴 我細佬淨係鐘意打Street Fighter 2 有可能你哋比試過添🤭🤭
@simontkitchen
2 ай бұрын
@@cindylo4192 早日康復💪🏻💪🏻 好返之後再煮返你嗰啲勁靚嘅藝術品嘢食😁
嗰隻大炸髀好正!不過華富邨對我嚟講太遠
@simontkitchen
2 ай бұрын
嗰隻炸髀好食呀😋
嘩!很肥美的炸雞脾,好食麼?若是住在這區,会天天去麗斯餐室食咁大隻嘅炸雞脾!! 我同事也是住在這區,他曾說过,在這處長住的人個個都是非富則貴喎😆
@simontkitchen
2 ай бұрын
隻炸髀真係好好食😋👍🏻 我而家唔係住南區lu, 所以我唔係非富則貴🤣
Hello 你完全帶番我回去那些年 尖頂屋西餐叫fresh and fresh 你連木偶都知,我哋應該差唔多年代😏 我係86始南小學畢業生😂
@simontkitchen
2 ай бұрын
Hello👋🏻😁 嗰間三角屋就係叫Fresh and Fresh,我真係唔記得咗佢個名。 我係1993年小學畢業生
呀婆袋👋🏻👋🏻好正呀條片。 街霸又⭐️⭐️閃。 以前抽中楊採妮賣比呀哥$5張🤣🤣 我都廿年冇去南區,以前條仔住個到,我元朗死出去,簡直全日香港一日遊🤣
@simontkitchen
2 ай бұрын
打街霸二開頭我最鍾意用主角阿龍,後尾有四大天王揀,我就鍾意用鐵面域加。Yes card 抽到周慧敏真係最開心,張卡靚而且又值錢🤣 抽到楊采妮都唔錯,仲有王菲同鄭秀文都OK
@Kim_Barker
2 ай бұрын
@@simontkitchen 我最鍾意用青狼,成日淨係識得發電,電9長手長腳🤣🤣🤣 記唔記周慧敏感情的婚禮張卡。V到呢~~🤣
@simontkitchen
2 ай бұрын
@@Kim_Barker青狼好用啊😁就咁狂撳個拳制已經可以發電 感情的分禮嗰張我梗係記得啦,經典到不得了🤣
@Kim_Barker
2 ай бұрын
@@simontkitchen 得閒出多d呢d片。可以同你話當年🤣🤣🤣🤣
@simontkitchen
2 ай бұрын
@@Kim_Barker 一齊出賣年齡🤣
我都係南區之友😂 🍻
@simontkitchen
2 ай бұрын
南區之友你好呀🤣👋🏻🍻
我以前都住過香港仔中心,大家都曾經係南區人😁 我曾經有去過置富花園個廣場,不過就真係冇乜印象裏面係點。
@simontkitchen
2 ай бұрын
南區舊街坊🤣👋🏻 其實如果唔係住置富都未必會入嗰個商場行
@ashleychau1580
2 ай бұрын
@@simontkitchen 華富邨我就未去過,不過而家有啲想去試吓嗰隻炸雞髀😁
@simontkitchen
2 ай бұрын
@@ashleychau1580 係好食嘅😋但係又唔好抱超高期望食,用食快餐店嘅平常心去食咁樣可能會更加有驚喜
舊地重遊,另有一番風味? 有無撞到街坊?
@simontkitchen
2 ай бұрын
喺置富花園我搵咗個舊街坊一齊行😁 我而家仲有個朋住喺置富花園,其他舊街坊就冇撞到lu 真係有另一番風味,感覺好複雜,有啲開心但係有D唔捨得咁嘅感覺😅
@wincysiu6628
2 ай бұрын
@@simontkitchen 你還好起碼還有個型去懷念;反而我細個住鑽石山那兒,現在已面目全非😅
@simontkitchen
2 ай бұрын
@@wincysiu6628 你細個嘅鑽石山原型已經保存咗喺你心目中,回憶同感情嘅嘢係拆都拆唔走💪🏻😁
你係咪搭38號巴士😉 我們都好有緣喎! 我童年時住在華富邨, 1996年再搬上置富花園, 2009年再搬去附近的薄扶林花園住到而家. 麥記個位以前係7仔? 我1996年搬入置富, 印象中麥記個舖位一向都係喺果度, 而7仔就一直喺商場入面, 位置近住去巴士站果條樓梯, 我啱啱問媽咪, 佢都話無印象7仔喺過麥記個舖位. 咁會唔會係1996年之前既事呢🤔? 你真係好好記性, 美心快餐, U2同G2000原來開過喺置富商場, 我都無印象. 哈廸斯我記得, 最鍾意他們的炸雞同熱奶茶. 上海菜, 木偶同泰國菜都無印象了, 農場餐廳就記得, 因佢獨佔一角落. 文具店應該係叫大母指, 都執左笠幾年了. 尖頂屋以前係一間西餐廳, 叫做Fresh & Fresh, 營運左十幾年, 但再之前叫乜巳經忘記了. 巴士站對面果個橢圓形既舖位, 我記得最後一位租戶是醫務所, 個男醫生姓"車", 好細心, 不過後來唔見佢, 姑娘話佢去左外國深造. 呢個舖位都最少15年無再有新租戶了. 華富邨大大百貨公司開幕時好巴閉, 頂層是遊樂場, 仲有塊哈哈鏡. 不過大大都好似執左笠成30年了, 記得小時候入面有一間上海菜館, 幾好味的, 最鍾意炸銀絲卷, 鱔蝴麵. 麗詩快餐店水準巳大不如前. 老闆好像只轉了一手, 但掌廚的可能轉過幾個, 幾個月前最後一次幫趁, 媽咪點了一個炒烏冬, 直情係難食到只可以吃一, 兩啖, 其餘直接放棄. 我沒點炸雞肶, 點了乾炒牛河, 又唔算好難食, 維持生命的質素吧. Cashier果位四眼短頭髪女士真係做左成40年有多, 幾年前退休, 她最讓人impressed是手腳超慢(尤其是年老後), 因為張價錢單打左出來之後, 佢需要用手寫返出來你點的食物和飲品是甚麼, 客人再將張單拎去水吧/煎枱附近個枱面, 再用條膠條責住. 華富酒樓外面的小販檔, 在我搬上置富前好像巳經唔俾擺檔了, 大概是因為環境衛生考量. 華富上邨間好好酒樓你都仲記得, 勁! 老實講, 小時候都覺得華富邨間間酒樓都汚糟到死. 我們多數幫趁銀都冰室, 一樣咁汚糟🤣 OMG, 臺利園西餐廳! 真係把我小時候的印象掘晒出來. 不過我都只係記得個餐廳名, 有咩食完全無概念. 瀑布灣個閘都整左起碼7, 8年. 因為經常有人浸死, 3月7日才有一位泳客過身. 瀑布灣最出名是鬼故, 自小被告之不可以去游泳, 因為水鬼會抓交替......雖然唔落水, 但細個都成日去瀑布灣玩, 果時仲有一隻越南難民坐的難船丟左喺個灘度. 又見過有人撈海胆, 係一蘿蘿咁撈上來的, 好誇張. 我地又會捉山坑魚回家餵烏龜. 白色花仔的矮樹是桂花, 置富花園都種好多棵架. 多謝你用鏡頭帶我們睇下置富商場(雖然我日日都行)同埋華富邨, 希望有多d街坊可以睇到你條片.
@simontkitchen
2 ай бұрын
舊鄰居你好👋🏻🤣 我係搭38,喺銅鑼灣”三越”上車,我印像中以前38唔會入華富邨,以前去華富邨會搭42。 麥記嗰度以前係間比較細嘅7-11 ,我係1996年之前已經住置富花園,之前返小學嗰陣成日喺呢間7-11同另外啲個小學同學叮星洲炒米做早餐🤣 7-11後來搬咗去你話牙醫嗰個位嗰度,而家見7-11又搬返入商場,由巴士總站入商場落幾層樓梯嗰個位。 我由細到大都好為食🤣 可能咁樣特別記得啲嘢食。 係大母指同Fresh & Fresh啊!!!!我諗咗好耐都唔記得叫咩名,多謝你提返我😁 大大百貨公司我嘅印象都唔係咁清晰,但係你講起我,我就記得有塊哈哈鏡🤣 麗斯快餐店隻炸髀都仲係好食,其他嘢我覺得係比以前冇咁好,不過我嗰日好彩點嗰啲食物又未至於難食,或者我有懷念分加咗落去覺得好味啲都唔定,因為我太耐太耐太耐冇食過,我見到佢門口已經好開心😁 以前嗰個短頭髮四眼女士比完張單我,我就要行埋去嘢食嗰邊比張單嗰啲員工,嗰啲員工就會搵一條半透明嘅四邊形小膠砸住張單,跟住要等佢哋嗌然後先攞嘢食,記得細個老師喺度等咗好耐都未到,但係細個又唔敢問佢哋,原來係佢哋漏咗單。我唔知有冇認錯,我見到食嘢嗰邊有啲員工都好似熟口熟面咁。 好好酒樓永遠記得佢實在太污糟,因為細個我已經好驚污糟,見到枱底下面有啲骨喺度,我坐到成個人鯁晒🤣 臺利園我都淨係記得個名咋。 原來瀑布灣封咗咁耐,細個我都有同啲小學同學去過,好多神像嗰度好深刻,因為細個見到已經好驚。成個華富邨都有好多鬼故,我阿嫲都見過兩次。以前4號巴士總站斜對面有棵大嘅木棉樹,我阿嫲見過喺木棉樹下企咗個白色長頭髮嘅人,轉頭就唔見咗。另外華泰樓隔離有條斜路成日有啲的士喺度等客嗰條斜路,我阿嫲又見過有堆人向下跑,跑到落去就消失咗,佢兩次都係𣋡光時份見到呢啲嘢。跟住有一次我喺華泰樓,同我細佬行緊去阿嫲屋企,我哋由5樓嗰邊行入去然後再行樓梯,行行吓見到有個長頭髮着灰色連身唐裝嘅人,我同我細佬一見到驚到叫出嚟,然後即刻奔走落樓梯,仲比我細抓到我好痛。但諗返起其實我哋冇望清佢個樣唔知佢係人定嗰啲嘢,因為見到佢個造型已經好驚😅,可能佢未必係嗰啲嘢,只係着咗唐裝然後有蘇民峰咁長頭髮嘅人。 原來置富都有呢啲桂花仔,唔怪之得呢浸味對我嚟講咁熟悉。 多謝你都俾返好多回憶我😁
@Eo1010fiy
2 ай бұрын
@@simontkitchen 嘩, 你d華富邨鬼故好驚喎😱. 等我又講返d鬼故過你聽. 我以前住華明樓8樓, 搬入去2年後爺爺過身, 他不是跟我們同住的. 在頭7果晚, 我媽咪話見到爺爺的半身喺騎樓度飄...... 另外一單, 就係媽咪有個住響12樓的街坊, 陳生, 某日心臟病發, 在壯年便死了, 我媽咪又係喺頭7時feel到陳生落來我地屋企探佢...... 又試過某天, 她在客聽中睡著了, 醒來見到成個石油氣樽從廚房被搬到客廳的中央, 一個女人根本沒可能有力氣把大樽裝的石油氣搬出客廳....... 有次媽咪買了幾件"卷蛋"俾我地放學後做點心, 但點之接完我地放學後回家沒法找到那幾件卷蛋. 一個月後洗雪櫃, 在雪櫃最底最底層找到那幾年發晒霉的卷蛋...... 我瞓上格床, 有一年的某一天半夜, 是同層街坊的頭7, 很明顯聽到鎖鍊聲, 就是好像犯人腳上扣上鎖鍊, 從遠處一路慢慢走近的聲音, 我到今天, 事隔30年有多, 都仲記得果種驚法, 真係成晚都瞓唔到😵💫. 小學唸華富邨血小學, 最出名的鬼故便是學校的沙池會有隻綠色手伸出來, 把正在跳沙池的學生抓下去, 直至沒入沙中....... 華富邨以前是亂葬崗, 瀑布灣公園是華富邨起好左幾年後才施工整修出來的給居民休憩的. 記得小時候有次走去玩, 見到一個綠色板間的小屋, 沒有頂的, 用3塊綠色木板砌成, 入面放了一張木桌子, 一張木椅子, 可能是讓地盤工人休息的地方吧, 我見到一個枯臚頭放左喺桌子上, 即閃......數十年過去, 這些童年記憶抹不掉, 若問我昨天吃過甚麼, 我記不起🤪 城巴為了省錢, 由去年開始, 夾硬把42號同38號巴士combine埋一齊, 住置富的居民要出銅鑼灣北角的話, 就必須要兜入華富邨, 浪費多5分鐘時間有多. 還有如果從銅鑼灣三越上車返屋企, 好多時都無位坐, 因為要同住華富邨及香港仔的街坊分享. 我如果要出銅鑼灣, 我會搭37A出到去灣仔的北海中心站下車, 然後行去銅鑼灣, 車費仲要平d, 當時, 要去北角的話就別無他選.
@simontkitchen
2 ай бұрын
@@Eo1010fiy 你好多鬼故貨😱,如果瞓上格床聽到聲,我可能會叫醒下格床嗰個人陪我😅 同埋問下佢聽唔聽到。 我都有搭過37A, 好懷念37A 同37B, 仲有去香港仔同鴨脷洲嘅95C,95C多數係單層巴士。