Հասմիկ Սիմոնյան․ Մեղուներ պահող աղջիկը (Նարինե Գրիգորյան)
Մեղվապահը պապս է,
իսկ ես մորս մասին եմ ուզում խոսել,
որ ժիր մեղու է,
և տունը մայրիկի բուրում է տարատեսակ համադամ թխվածքներով,
և սիրտը մայրիկի փափուկ է մանուշակի տերևի պես,
մենք բոլորով ուտիճների նման կծոտում ենք անդադար մայրիկին,
որ ժպտում է լուռ ու գեղեցիկ՝ ի պատասխան մեր տգեղ խոսքի, որի մեջ ձայնավորները շատ են, բաղաձայնները՝ կարճ:
Մայրիկն աշխատում է օրնիբուն,
և իսկապես կուզեր հանգստանալ, եթե վստահ լիներ, որ դա ևս աշխատանք է:
Նա հաճախ է օգտագործում «երջանիկ» բառը, երբ նկարագրում է իրեն ու մեզ
և այնքան վստահ է խոսում, որ դժվար չի կռահել՝ նա քիչ է երջանիկ եղել,
որովհետև այդպես վստահ կարող են լինել միայն դժբախտները, իսկ երջանիկները կասկածում են միշտ:
Մայրիկը սիրում է իր ծաղիկներին:
Ծաղիկները սիրում են մորս,
և այդ սերը չի կեղտոտվում բառերով ու գունազարդ պատկերներով:
Դա ծաղկումի ու շոյանքի միջև մի բան է, որ անհեթեթ է թվում մեզ
ու հատկապես հայրիկին, որին թվում է՝ լուսամուտագոգը զավթել են
և սպառնում է պարբերաբար ազատել մեր տունը կանաչ ելուզակներից:
Բայց մայրիկը սիրում է ծաղիկներին,
ծաղիկներն էլ սիրում են մորս ու առավել փարթամ աճում:
Մայրիկը թխում է անուշեղեններ՝ ոլորուն, շերտավոր, քառակուսի ու կլոր:
Նա փորձարար է, որ ոչ մի կերպ չի գնահատվում
քաղցրի հանդեպ պահպանողական հայացքներ ունեցող մեր տանը,
և ալյուրի հետքը նրա այտին խիզախումի նշան է համառ,
որ անտարբեր սրբվում է իմ կամ եղբորս կողմից:
Նա կարդում է գրքեր
ու ժամանակակիցներից գիտի բոլորին
ոչ միայն դեմքով ու գրքի կազմերով:
Հավանում է քչերին: Ես այդ թվում չկամ:
Հատկապես թարգմանություններս համարում է անտաղանդ,
Իսկ փորձարկումներս լեզվի՝ լեզվի հանդեպ բռնություն:
Sարիների հեռվից եկած նրա խոհարարական գրքույկում
Սևակից հաջողված տողեր կան,
հատվածներ Բ. Պրուսի «Տիկնիկից»
և կարելի է գտնել ցուցումներ,
թե ինչպես պատրաստել միկադո և ինչպես հաշվարկել օրերը՝
հղիանալու համար ցանկալի սեռի պտղով:
Մայրիկը չի խմում, չի ծխում, ատում է ծխող կանանց,
և ամեն անգամ նորովի է մեռնում,
երբ սիգարետի հոտ է առնում ինձնից,
երբ սիգարետի մասին հիշատակվում է բանաստեղծությանս մեջ,
երբ սիգարետով նկար է հայտնվում համացանցում՝ իր աղջկա ակտիվ մասնակցությամբ:
Մայրիկը բռնում է սիրտը, լացում
և հիշեցնում արցունքների միջից,
որ ծխելուց ատամները դեղնում են, ձայնը՝ կոպտանում,
իսկ մազերը կարող են թափվել:
Հորս առաջին կրակայրիչը նվիրել է մայրիկը:
Երբեմն մենք կռվում ենք,
ու մայրիկը պնդում է մշտապես, որ ինձ փոխեցին իմ գրքերը
ու տարան իր աղջկան, և ես բնավ իր այն աղջիկը չեմ, որ ունեցավ գարնանը,
որ այդ ես չէի կարդում, այլ գրքերն էին կարդում ինձ
ու նշումներ անում վրաս և ընդգծում մատիտով,
մայրիկը հիշեցնում է հաճախ
որ ես տրամաբանելուց զրո էի,
և երբ միասին հաշվում էինք, թե քանի ոտք ունի աթոռը, իմ պատասխանը
ապուշի պես լռելն էր:
Ուզում եմ ասել քեզ, մա, որ շատ բան առանձնապես չի փոխվել
լռելը շարունակում է մնալ իմ հոբբին
թեև դու էլ շարունակում ես սարսափել, թե ոնց քեզնից ծնվեցի ես
ու միակ բանը, որ հարմար գտա ժառանգել քեզնից, ոտնաթաթերդ են մեծ
ու՞մ քաշեցիր էսքան անպատասխանատու
չես դադարում ամեն օր զարմանալ
ու ես էլ
չեմ դադարում
ամեն օր
զարմացնել
քեզ հետ, մա, քեզ հետ,
ապրելով անհնարին դաժան կյանքը այս՝
բացթողումների, տագնապի ու սիրո
հիմա, երբ մի պստլիկ կատու տաքացնում է որովայնս դատարկված
ես քեզ եմ պարզում ձեռքս
որովհետև չունեմ ոչ մեկի
որովհետև ինչ ունեմ, դու ես
քո ներումը մեծ
և երբեք չկիսատվող սիրտը քո
որ այնքան հաճախ է գոռացել ինձ վրա
զայրույթից
հուսահատությունից
ինձ տուն տար մա
լվա դեմքս
և երբ գրականությունը իմ ետևից գա
ասա, որ ես հոգնել եմ շատ
ասա, որ ես մենակ եմ շատ
ասա, որ ես հետ եմ գնում
և իմ մանկությունը
թողած
դեղինի մեջ՝
մեղրի ու մեզի, արևի ու ոսկու
ասա
եղավ
լավագույն սկիզբը
ու վատագույն սկիզբը եղավ
ասա, որ ինձ կերան
ասա, որ ես չկամ
ասա թող ինձ քեզ մոտ թողնի մա
ասա թող ես դառնամ պստլիկ շարժուն մեղու
բզզամ ու չերևամ
բզզամ ու չերևամ
բզզամ ու չերևամ
Հեղինակ՝ Հասմիկ Սիմոնյան
Կարդում է Նարինե Գրիգորյանը
Հասմիկ Սիմոնյանը ճանաչվել է հաղթող #YerevanBookfest 2018-ի Պոեզիա անվանակարգում։
Пікірлер: 87
Խենթանում եմ այս ձայնի համար❤
Փառահեղ էր
Յուրահատուկ ձայն
Ֆանտաստիկ է գրված, բայց կատարումն էլ էնքան ճիշտ, էնքան դիպուկ էր, էնքան համահունչ…լացացրեց
@user-lv5du3sy1x
10 ай бұрын
Հանվի
Ախ, այս ձայնը...
❤❤
Դուք կատարելություն եք❤
Գեղեցիկ է....
Լացում եմ...❤
Երանի Մայրս կողքիս լիներ 🙏🏻
Աննկարագրելի սիրուն 💛
Հոյակապ էր թե' գրվածը և թե' կատարումը։ Բրավո՜։
Ինչքա՜ն ներդաշնակ համադրում. չքնաղ ձայն ու նուրբ ու քնքուշ արտաքին... բացառիկ շնորհ ունի Նարինե Գրիգորյանը👏👏👏👏
Էլի ու էլի ❤
Anteri katarum, dzayne, artaqine, varseri sanrvatsqe, mimikanere... Dzayni elevejnere gnum u kpnum en hogut amena amenanurb larerin Bravo
Ապրրես❤❤❤
Մա՜ , մա՜մ ❤
Հոգևոր սնունդ ստացա ու էսթետիկ հաճույք։ Շնորհակալություն հեղինակին ու կատարողին։
@leylydavtyan574
Жыл бұрын
❤❤❤այո😢😢😢
Еслиб могла вернуть время мам❤так мало мы были вместе😢😢💔
Հրաշալի կատարում, հիացած եմ❤
Ներդաշնակություն ու հանգստություն իջավ վրաս❤ սա մեղմ ասած ֆանտաստիկա
Կատարյալ ու խենթացնող սիրուն,,,
Հրաշք
Շատ հաճելի էր և ականջ շոյող դուք շատ տաղանդավոր կին եք,նուրբ,քնքուշ մեղմ և հաճելի ձայնով, հայ ազգը պետք է հպարտանա,որ ունի Ձեր նման դերասանուհի, այսօր մեր ազգին շատ է պետք այսպիսի խորիմաստ և խրատական մտքեր մատուցել ❤❤❤
Հիասքանչ ու Աստվածին
Սիրուննն😍😍😍
Մամ ջաաան😢😢😢🙏🙏🙏Հրաշք էր❤️❤️❤️
Իիիիիիիննննչչչ ընտիր👍👍👍👏👏👏👏👏
Խոսքերը ուղակի ավելորդ են❤️❤️❤️
Հոյակապ🙏🏻
Սեր❤
❤
Որքա՜ն իսկական է նա ու սքանչելի։
Հիանալի , անկրկնելի
Ինչքան սեր ու ջերմություն է կաթում ամեն բառից, ելևէջից, տողից ու տողատակից...
Բրավո👏🏻
Հուզվելու աստիճան սիրուն ❤
Թույն ~💚
Հրաշք❤
Խոսքեր չգտա հուզմունքից բացի
գրականությունը չի, որ գալու է ձեր հետևից, այլ դուք եք միշտ գնալու գրականության մոտ ։) ինչքան էլ դժվար լինի, կամ թվա, որ պաշտպանվածություն եք ուզում ։) մերսի պոեզիայի և կատարման համար։ (հոլովակի երաժշտությունը իմ կարծիքով ավելորդ է)
Հրա՜շք...
Շատ շնորհակալ եմ նման կատարման համար։
Անթերի❤
❤❤❤❤❤ Շատ լան է։
Հեքիաթային💫
Հիանալ Բռավո խոսքեր չկա ուղակի❤️❤️❤️
,,,,,,,խոսքերս տկար են,,,,,,շատ վեր է այս կատարումը
Սիրուուուն💜
Չէ, սա կատարյալ ա, սա գլուխգործոց ա)
Արտակարգ
Idealakan er❤️
Ձայնըը...
XOsker chkan!!! uxaki hrashk e! Te kataroxe te xoskere!!!!
կատարյալ~🤍
Inch hacheliya lsel yev tesnel 🤗❤️💋
Խենթանալու չափ սիրուն.....
Խենթացնող գործ և Խենթացնող ձայն
Հրաշալի․․․
Մաաամ,կարոտեմ եմ քեզ,,,,,,,,
💙
😍
Մամաս։
😍😍
🤗👍❤️
😍😍😍😍😍😢😢
Hogis takn u vra yeghav...
Անզուգական
Урартец арменоидам индоарии супер
Աաաաա((((((
Մալադեցցց
Երաժշտության անունն ի՞նչ է)
Xosqer chkan .uxxaki lsel e petq
Շատ լավ է կարդում ոչ այդքան հաջող պոեզիան:
@AM-qx4lm
3 жыл бұрын
Ինչու է ոչ հաջող? Հոյակապ պոեիզիա իմ կարծիքով
Պոեզիայից հաջող կարդում է:
mors archat archunqner,es ashxari, voxch voskineri het, es chem poxi;
❤❤
❤
😍
❤️
❤