گوڵـەکـەم! شاری دڵـــــم پاییزە لێـی داوە بڕۆ
تۆ گەشی، هەڵدەپڕووکێی، مەیە ئەو ناوە بڕۆ
چۆڵگـەیـە و کاکی‌بە‌کاکی، نییـە تێیدا نەفەرێ
ڕێگەی ئەم شارە بە داوی خەمە تەنراوە بــڕۆ
نامەوێ پێت لە چڵی داوی خەمێ گیربێ گوڵــم!
زولـفی تـۆ بـۆ دڵی سەدها وەکوو من داوە بڕۆ
بولبولی بێکەسی دم پڕ لە هەرا جواب کە، بڵێ:
تۆ دەبێ هەر قەفەسی بی، بەشە، وا بڕاوە، بڕۆ
شیعری #مامۆستا_ئاسۆ و دەنگی#سمایل_ئاغای_چەوگالی #ئاسۆ