Қазақстанда болашақта білім беру гранттарынына қатысты өзгерістер болуы мүмкін. 2037 жылдан бастап Жоғары білім және ғылым министрлігі студенттерге берілетін білім гранттарының санын азайтуды көздейді. Есесіне келесі жылдан бастап «Келешек» бағдарламасы іске қосылады. Яғни, бұдан былай ата-аналар балаларының болашағы үшін ай сайын арнайы есепшотқа ақша салып отыруы тиіс. Жаңа бағдарламаның қандай кері тұстары бар? Ата-аналар не дейді? Әріптесім Руслан Жасұланұлы біліп көрді.
Елімізде 2037 жылдан бастап студенттерге берілетін білім грантының саны жыл сайын азайып отырады. Есесіне жоғары білім және ғылым министрлігі келесі жылдан бастап «Келешек» бағдарламасын іске қосуды көздейді. Яғни, ата-аналар балалары балабақшаға барған кезден бастап олардың жоғары білім алуы үшін ақша жинай бастайды. Министрдің айтуынша, жыл сайын бала туу көрсеткіші өсіп келе жатқандықтан болашақта мемлекеттік грант санын көбейтуге мүмкіндік болмайды. Яғни, бюджет қаржысын үнемдеу үшін осы жолы таңдап отырмыз дейді.
САЯСАТ НҰРБЕК, ҚР Жоғары білім және ғылым министрі:
- Бір ғана шарт қоямыз. Минималды шарт. Ерікті. Бұл ешкімді зорлап көндіре алмаймыз. Ата-аналар өздері бір ай 3450 теңгені сол шотқа ай сайын беріп тұрған жағдайда 5 жастан жинақтаса 17-18 жасқа жеткенде ол баланың 12 миллион ақша жиналады.
Сондай-ақ, «Келешек» жинақтаушы жүйесінен бөлек, "Ұлттық қор балаларға" жобасы арқылы мемлекеттен түсетін қаражатты қосқанда баланың білім алуына мүмкіндік беретін ақша жиналады. Министрдің пікірінше, бұл ата-аналардың бойында қаржы жинау дағдысын қалыптастарды. Ал қоғамның бұл жаңашылдық жөнінде пікірі әртүрлі. Бірі қымбатшылық заманда азық-түліктен артылмайтын ақшаны ай сайын баланың оқуына жинақтау мүмкін емес десе, кейбірі бұл дұрыс шешім дейді.
Ал сарапшылардың сөзінше, министрлік бұған дейін грант санын көбейтіп экономиканы тығырыққа тіреп қойды. Енді оның санын азайтамыз дегені қате дейді. Ал бюджет қаржысын үнемдегісі келсе шекті балды көтеріп, ең үздігін ғана грантпен оқыту керек. Сонда ғана білімді ұрпақ қалыптасады деген пікірде.
ЖАННА МЕҢДІБАЕВА, сарапшы:
- Меніңше, ата-аналардың жинаған ақшасы ештеңеге жетпей қалады. Өйткені жыл сайын оқу бағасы қымбаттайды. Оған инфляцияны қосыңыз. Тіпті тұрақсыз экономика да бұған әсер етеді. Министрлікке грант санын қалай азайтуды емес, сол гранттарды қалайша мақсатты пайдалануға болады дегенді ойлау керек. .
Сондай-ақ сарапшылар «келешектің» қоғамды екіге бөліп алу қаупі бар дейді. Ол баласының болашақ біліміне ақша жинақтай алатындар мен жинақтай алмайтындар. Сондықтан «Келешек» жинақтаушы жүйесін дәл осы күйінде іске қосуға асықпай, әлі де жетілдіру керек деген пікірде
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал