Ατό κοιμάται αψηλά και σ’ άπρα τα κρεβάτια
την καρδία μ’ ετσούεψα σ’ ατινές τα σοκάκια.
Θα ερωτώ και θα ρημώ και πού κεκά εβλάβες
τραβάγγελον θ’ εφτάω σε με δώδεκα ποπάδες.
Πουλί μ’ τη χ ριστέρα σου ντο βαλτς απάν σο γιάνι
εμορφάδα σ’ κανείται σε, μ’ αλείφκεσαι πογιάνι.
Τ’ εμόν η ψυ κι ο θάνατον πουλί μ’ σ’ εσά τα χέρια
αν θέλτς με τ’ αγγέλτς έπαρ’ το, αν θέλτς με τα μαχαίρια.
---
Σα χείλια σ’ έεις το γιατρικόν αρνί μ’ θα παλαλούμαι
για δομ’ αρ’ έναν φίλεμαν να λαρούμαι και σκούμαι.
Ο πρόσωπος ης θάνατος τ’ ομάτια σ’ τογραεύνε
το στέσιμον κι η καλατσή σ’ τον άνθρωπον μαεύνε.
Άνθρωπον κι εσχολίασαν πουλί μ’ τ’ εσά τα χείλια
τον τσεχέλ και τον ατζαμήν εμάθησαν ακίλια.
Κορτσόπον εγροικώ ατο ντο πολλά αγαπάς με
από ’φκα κες κι από μακρά τερείς και κι χορτάεις με.
---
Στεφανωμένον είδα σε ασήν αυλιάς εξέβες
την ψυ’ μ’ σα δύο έσκισες περα-περού εδιάβες.
Κι ξέρω ντ’ έρθεν έβρε με αούτον τον καιρόν
η σεβντιά εμέν φαρμακών’ για εμέν παλαλώνει.
Τ’ εσόν εγάπ’ τρανόν έτον κι ατώρα κι κανείται
αμόν του Θεού το νερόν ντ’ εκτέθεν και τελείται.
Η αμαρτία κι εν τ’ εμόν το κρίμαν κι εν τ’ εσόν
η ψυ’ μ’ πολλά θέλ’ την εγάπ’, το χώμαν το νερόν.
---
Τραγούδι και λύρα: Γιώργος Σοφιανίδης
Νταούλι: Γιάννης Πολυχρονίδης
---
Από τον δίσκο "Θα αρχινώ τα παλαιά" διαθέσιμο τώρα στο iTunes:
itunes.apple.com/us/album/tha...
Γίνετε συνδρομητής στο κανάλι KZread του Γιώργου Σοφιανίδη: / sofianidismusic
Γραφτείτε στην ομάδα των φίλων του Γιώργου Σοφιανίδη στο Facebook: / 10154390684095158
Ακούστε μουσική στο SoundCloud: / sofianidis